Visto que nestes momentos o Concello de Monterroso ten dotada no orzamento para o exercicio 2022 unha praza de técnico en urbanismo e vista a necesidade de contratar interinamente un arquitecto municipal e a posterior formación dunha bolsa de emprego co resto de candidatos,

RESOLVO:

Primeiro. Avocar a competencia delegada na Xunta de Goberno Local mediante o Decreto de Alcaldía do 6 de outubro de 2021 (BOP núm. 246, do 27.10.2021).

Segundo. Aprobar a oferta de emprego público do Concello de Monterroso para o ano 2022:

Grupo: A.

Subgrupo: A1.

Escala: Administración especial.

Subescala: técnica.

Denominación: técnico urbanismo.

Nº de vacantes: 01.

Nº praza: PF08.

Réxime xurídico: funcionario interino.

Forma selección: concurso-oposición.

Xornada: parcial (50 % xornada).

Terceiro. Publicar o anuncio da oferta de emprego público no Diario Oficial de Galicia e este decreto no taboleiro de anuncios do Concello, sito na sede electrónica do Concello https://monterroso.sedelectronica.es/info.0

Monterroso, 4 de outubro de 2022

Rocío Seijas Vázquez
Alcaldesa