En cumprimento do disposto na Lei 24/2013, do 26 de decembro, do sector eléctrico, no Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, e na Lei 9/2021, do 25 de febreiro, de simplificación administrativa e de apoio á reactivación económica de Galicia, sométese a información pública a solicitude relacionada coas instalacións que se describen a seguir:
Solicitante: UFD Distribución Electricidad, S.A.
Domicilio social: avenida San Luis, 77, 28033 Madrid.
Denominación: regulamentación da LMT VII803 en apoio BW5UH1T4//D12-21.
Situación: concello de Monterrei (Ourense).
Características principais recollidas no proxecto:
Substitución do apoio de formigón núm. D12-21 da LMTA VII803 por deterioración, e instálase novo apoio de celosía metálica, para cumprir as condicións de seguridade tamén se cambian os núms.: D12-20 e D12-22 e instálanse novos apoios tamén de celosía metálica e o condutor na zona afectada pasa a LA-56.
O obxecto da información pública será a autorización administrativa previa, a autorización administrativa de construción e a declaración de utilidade pública, en concreto, da citada instalación eléctrica. A declaración de utilidade pública levará implícita, de acordo co artigo 56 da Lei 24/2013, do 26 de decembro, do sector eléctrico, a necesidade da urxente ocupación para os efectos da expropiación forzosa dos bens e dereitos afectados necesarios para o establecemento destas instalacións.
Documentación que se expón:
1. O proxecto de execución, asinado polo enxeñeiro industrial Sergio Rodríguez Rodríguez, colexiado núm. 482 do COITIOU, o 17.6.2022.
2. A relación concreta e individualizada dos propietarios de bens e de dereitos afectados, que figura no anexo a este acordo.
3. Planos parcelarios do proxecto.
O que se fai público, para o coñecemento xeral, así como, en particular, dos propietarios dos predios que figuran na relación anexa a este acordo, e das persoas que, sendo titulares de dereitos reais ou intereses económicos sobre os bens afectados, fosen omitidas, para que poidan examinar a documentación técnica anteriormente relacionada e, se for o caso, presentar as alegacións ou observacións que coiden oportunas dentro do prazo de trinta (30) días, que se contará a partir do día seguinte ao da publicación deste acordo no Diario Oficial de Galicia.
Toda a documentación poderase examinar nesta xefatura territorial da Vicepresidencia Primeira e Consellería de Economía, Industria e Innovación en Ourense, rúa Curros Enríquez, núm. 1, 32003 Ourense, e na seguinte ligazón web da Consellería:
http://ceei.xunta.gal/transparencia/documentos-sometidos-a-informacion-publica
Ourense, 13 de outubro de 2022
Alicia María López Míguez
Xefa territorial de Ourense
ANEXO
Relación de bens e de dereitos afectados
Núm. de expediente: IN407A 2022/172-3.
Situación: concello de Monterrei.
Denominación: regulamentación da LMT VII803 en apoio BW5UH1T4//D12-21.
Predio núm. en proxecto: 1.
Lugar: Souto da Viña.
Cultivo: monte alto.
Titular: Josefa Rodríguez Souto.
Afeccións: apoio núm. 20, ocupación de 2,59 m2.
Predio núm. en proxecto: 2.
Lugar: Souto da Viña.
Cultivo: monte baixo.
Titular: Teresa García Castro.
Afeccións: apoio núm. 21, ocupación de 3,02 m2.
Predio núm. en proxecto: 3.
Lugar: Poulos.
Cultivo: monte baixo.
Titular: descoñecido.
Afeccións: apoio núm. 22, ocupación de 2,59 m2.