No Boletín Oficial da provincia de Pontevedra (BOP) número 197, do venres 14 de outubro de 2022, publicáronse as bases xerais e específicas que rexen a convocatoria para o acceso a unha praza vacante de enxeñeiro/a técnico/a industrial no Concello de Pontevedra incluída na oferta de emprego público de 2020.
A concelleira delegada do Servizo de Persoal e Cultura convocou, mediante a Resolución do 29 de setembro de 2022, o proceso selectivo para a cobertura dunha praza vacante no Concello de Pontevedra incluída na oferta de emprego público do ano 2020, que a seguir se sinala:
– Segundo o artigo 76 do Real decreto lexislativo 5/2015, polo que se aproba o texto refundido da Lei do Estatuto básico do empregado público: grupo A. Subgrupo A2. Clasificación: escala de Administración especial, subescala técnica, clase técnicos medios. Número de vacantes: 1. Denominación: enxeñeiro/a técnico/a industrial, mediante quenda libre.
O prazo de presentación de instancias será de vinte días naturais contados a partir do día seguinte ao da publicación deste anuncio no Boletín Oficial del Estado. Os sucesivos anuncios publicaranse no Boletín Oficial da provincia de Pontevedra e no taboleiro de editos da Corporación nos térmos establecidos nas bases.
Pontevedra, 14 de outubro de 2022
O alcalde
P.D. (Acordo da Xunta de Goberno Local do 15.6.2019)
María del Carmen Fouces Díaz
Concelleira delegada do Servizo de Persoal e Cultura