O alcalde pola Resolución nº 2022-0263, do 19 de outubro de 2022, acordou aprobar inicialmente o documento do Plan parcial do SURB-I para o polígono industrial de Trasmiras.

Este acordo determinará, por si só, a suspensión do procedemento de outorgamento de licenzas naqueles ámbitos do territorio obxecto do plan, no caso de que as novas determinacións deste supoñan a modificación da ordenación urbanística vixente. Para estes efectos, determínase expresamente a área afectada.

Esta eventual suspensión terá unha duración máxima de dous (2) anos, contados desde a devandita aprobación inicial e, en calquera caso, extinguirase coa aprobación definitiva do plan.

O citado plan parcial, así como o expediente administrativo de que trae causa, sométense ao trámite de información pública durante o prazo de dous (2) meses, contado a partir da data de publicación deste anuncio no Diario Oficial de Galicia, e sen prexuízo da súa publicación nun dos xornais de maior difusión na provincia, así como da súa inserción no taboleiro municipal de edictos e anuncios.

Lugar e horario de exhibición: concello de Trasmiras, na casa do concello, de luns a venres (agás os festivos), das 9.00 ás 14.00 horas.

Trasmiras, 19 de outubro de 2022

Emilio José Pazos Ojea
Alcalde