En sesión que tivo lugar o 4 de novembro de 2022, o tribunal nomeado pola Resolución do 11 de abril de 2022 (DOG núm. 73, do 18 de abril), modificada pola Resolución do 10 de maio de 2022 (DOG núm. 94, do 16 de maio), para cualificar o proceso selectivo para o ingreso no corpo superior da Administración xeral da Comunidade Autónoma de Galicia, subgrupo A1, escala superior de seguridade e saúde no traballo, especialidades de seguridade no traballo, de hixiene industrial e de ergonomía e psicosocioloxía aplicada, convocado pola Orde do 28 de febreiro de 2019 (DOG núm. 44, do 4 de marzo),

ACORDOU:

En execución das medidas cautelares interesadas pola representación procesual de Carlos Alberto Sáez Taboada, con NIF ***9974**, en virtude do Auto do 18 de maio de 2022, do Tribunal Superior de Xustiza de Galicia, e de conformidade co disposto na base II.1.2.6 da convocatoria, que o segundo exercicio da oposición para o ingreso no corpo superior da Administración xeral da Comunidade Autónoma de Galicia, subgrupo A1, escala superior de seguridade e saúde no traballo, especialidade de seguridade no traballo, para o interesado, terá lugar o 28 de novembro de 2022, en chamamento único que se iniciará ás 15.30 horas, na sala E da Vicepresidencia Segunda e Consellería de Presidencia, Xustiza e Deportes (Edificio Administrativo San Caetano, s/n).

O aspirante deberá ir provisto de DNI ou de documento fidedigno acreditativo da súa identidade, a xuízo do tribunal, lapis do nº 2 e goma de borrar.

Non se permitirá o acceso á aula en que se realice o exercicio con teléfonos móbiles, axendas electrónicas, reloxos intelixentes ou calquera outro material ou instrumento de que se poida valer o aspirante para auxiliarse na realización do exercicio. Non se habilitará ningún servizo de recollida de móbiles.

Santiago de Compostela, 4 de novembro de 2022

Ángel López Álvarez
Presidente do tribunal