No DOG núm. 160, do 20 de agosto de 2021, publicouse a Orde do 4 de agosto 2021 pola que se establecen as bases reguladoras de axudas a centros especiais de emprego (CEE) co fin de promover a integración laboral das persoas con discapacidade e se procede á súa convocatoria para as anualidades 2021-2022 (códigos de procedemento TR341K, TR341E, TR341N e TR341M). No DOG núm. 248, do 28 de decembro de 2021, publicouse a Orde do 23 de decembro de 2021 pola que se ampliaba o crédito da convocatoria, e no DOG núm. 251, do 31 de decembro de 2021, publicouse a Orde do 29 de decembro pola que se aprobou unha segunda ampliación do crédito.
A dita Orde do 4 de agosto de 2021, no artigo 2.5, recolle a posibilidade de reasignar as contías sobrantes da asignación inicial do crédito de cada aplicación orzamentaria, proxecto ou programa de axudas para atender as necesidades de crédito doutras aplicacións, proxectos e/ou programas. As reasignacións levaranse a cabo logo das modificacións orzamentarias que procedan no expediente de gasto e da publicación nos mesmos medios que a convocatoria.
Unha vez revisados os expedientes do programa II (procedementos TR341E e TR341N), compróbase que existe remanente de crédito suficiente para atender unha parte das necesidades do programa III.
Por todo o exposto e co fin de liquidar os expedientes de axudas do programa III da Orde do 4 de agosto de 2021
RESOLVO:
Primeiro. Modificar o crédito destinado ás axudas convocadas pola Orde do 4 de agosto 2021 pola que se establecen as bases reguladoras de axudas a centros especiais de emprego (CEE) co fin de promover a integración laboral das persoas con discapacidade e se procede á súa convocatoria para as anualidades 2021-2022, redistribuíndo o crédito asignado nos programas de axudas II e III e sen variar o orzamento total consignado na convocatoria.
Programa de axudas (procedemento) |
Aplicación |
Importe |
Programa II (TR341E e TR341N). Axudas á creación postos estables, adaptación e asistencia técnica en centros especiais de emprego |
11.04.324C.470.3 |
- 390.000,00 |
Programa II (TR341E e TR341N). Axudas á creación postos estables, adaptación e asistencia técnica en centros especiais de emprego |
11.04.324C.481.3 |
- 112.000,00 |
Programa III (TR341M). Axudas ao mantemento do custo salarial das persoas con discapacidade nos centros especiais de emprego |
11.04.324C.470.4 |
502.000,00 |
Segundo. Esta modificación non implicará apertura de prazo para presentar novas solicitudes.
Santiago de Compostela, 23 de novembro de 2022
Covadonga Toca Carús
Secretaria xeral de Apoio ao Emprego, Traballo Autónomo
e Economía Social