Visto o expediente instruído para efectos de transmisión da batea Teresa Soage e da concesión administrativa que a ampara, resulta:
a) Antecedentes de feito:
Primeiro. Mediante a Orde do 27 de maio de 1996 apróbase a transmisión da batea Teresa Soage.
Segundo. O 7 de novembro de 2022 Fernando Miranda Cancelas e Alicia María Paz Collazo solicitan a inclusión desta última como cotitular.
b) Consideracións legais e técnicas:
Primeira. Este órgano é competente para resolver os expedientes de conformidade coa Lei 11/2008, do 3 de decembro, de pesca de Galicia (DOG núm. 243, do 16 de decembro), modificada pola Lei 6/2009, do 11 de decembro (DOG núm. 243, do 15 de decembro); e coa Orde do 21 de febreiro de 2022 sobre delegación de competencias en diversos órganos de dirección da Consellería do Mar e na Presidencia da entidade pública empresarial Portos de Galicia.
Segunda. Os expedientes seguiron todos os trámites establecidos no procedemento administrativo común, coas especialidades previstas no Decreto 406/1996, do 7 de novembro, pola que se aproba o Regulamento de viveiros de cultivos mariños en augas de Galicia, e na Orde do 15 de xuño de 1999, pola que se regula o procedemento para a transmisión da titularidade das concesións dos viveiros de cultivos mariños nas augas de Galicia.
Vistas as disposicións citadas, o artigo 88 da Lei 39/2015, do 1 de outubro, do procedemento administrativo común das administracións públicas e demais normas de xeral e pertinente aplicación, esta consellería resolve:
Modificar a autorización da transmisión inter vivos, da concesión administrativa e da batea que se indica a continuación:
Identificación:
Nome: Teresa Soage.
Cuadrícula: 47.
Polígono: D.
Distrito: Cangas (Pontevedra).
Especie autorizada: mexillón (Mytilus galloprovincialis).
Título habilitante: concesión.
Data de outorgamento: 27.5.1964 (BOE núm. 153, do 26.6.1964).
Remate da vixencia: 15.12.2029.
Anteriores concesionarios: Eugenio Miranda Iglesias, María Cancelas Tenorio.
Novos titulares da concesión: Fernando Miranda Cancelas, Alicia María Paz Collazo.
Os novos concesionarios quedan subrogados nos mesmos dereitos e obrigas dos anteriores concesionarios.
Contra esta resolución, que esgota a vía administrativa, poderase interpoñer recurso potestativo de reposición no prazo dun mes ante a conselleira do Mar, ou recurso contencioso administrativo, ante a xurisdición contencioso-administrativa, no prazo de dous meses, contados en ambos os dous casos desde o día seguinte ao da súa publicación, de conformidade co disposto no artigo 123 da Lei 39/2015, do 1 de outubro, do procedemento administrativo común das administracións públicas, e o artigo 46.1 da Lei 29/1998, do 13 de xullo, reguladora da xurisdición contencioso-administrativa.
Vigo, 17 de novembro de 2022
A conselleira do Mar
P.D. (Orde do 21.2.2022)
Sonia Lorenzo Santos
Xefa territorial de Vigo