No Boletín Oficial da provincia núm. 227, do 28 de novembro de 2022, publicáronse as bases xerais e específicas de varios procesos selectivos convocados para cubrir as seguintes prazas vacantes no cadro de persoal funcionario da Deputación Provincial de Pontevedra:
1. Unha praza de técnica/o superior de Administración especial, do grupo A1, pertencente á escala de Administración especial, subescala técnica, clase técnica/o superior, polo sistema de concurso de méritos, en aplicación do artigo 2.1, parágrafo segundo, da Lei 20/2021.
2. Unha praza de oficial/a de imprenta, do grupo C2, pertencente á escala de Administración especial, subescala de servizos especiais, clase persoal de oficios, por concurso de méritos, en aplicación do artigo 2.1, parágrafo primeiro, da Lei 20/2021.
3. Unha praza de oficial/a de infraestruturas e servizos, do grupo C2, pertencente á escala de Administración especial, subescala de servizos especiais, clase persoal de oficios, por concurso de méritos, en aplicación do artigo 2.1, parágrafo primeiro, da Lei 20/2021.
4. Sete prazas de operaria/o especialista, do grupo E, pertencentes á escala de Administración especial, subescala servizos especiais, clase persoal de oficios, por concurso de méritos, en aplicación do artigo 2.1, parágrafo primeiro, da Lei 20/2021.
O prazo de presentación de solicitudes será de 20 días naturais, contados desde o día seguinte ao da publicación deste anuncio no Boletín Oficial del Estado.
Os sucesivos anuncios referentes a esta convocatoria, cando procedan de conformidade coas bases, faranse públicos no Boletín Oficial da provincia.
Pontevedra, 29 de novembro de 2022
A presidenta da Deputación Provincial de Pontevedra
P.D. (Resolución nº 2019012988, do 15.7.2019)
Carlos López Font
Deputado delegado de Réxime Interior, Economía, Facenda e ORAL