No Boletín Oficial da provincia núm. 227, do 28 de novembro de 2022, publicáronse as bases xerais e específicas de varios procesos selectivos convocados para cubrir as seguintes prazas vacantes no cadro de persoal funcionario da Deputación de Provincial de Pontevedra:

1. Unha praza de técnica/o de Administración electrónica, transparencia e protección de datos, pertencente á escala de Administración especial, subescala técnica, clase superior, e integrada no grupo A1 (ofertada en 2021).

2. Unha praza de técnica/o auxiliar de telecomunicacións, pertencente á escala de Administración especial, subescala técnica, clase auxiliar e integrada no grupo C1 (ofertada en 2022).

O prazo de presentación de solicitudes será de 20 días naturais, contados desde o día seguinte ao da publicación deste anuncio no Boletín Oficial del Estado.

Os sucesivos anuncios referentes a esta convocatoria, cando procedan de conformidade coas bases, faranse públicos no Boletín Oficial da provincia.

Pontevedra, 29 de novembro de 2022

A presidenta da Deputación Provincial de Pontevedra
P.D. (Resolución nº 2019012988, do 15.7.2019)
Carlos López Font
Deputado delegado de Réxime Interior, Economía, Facenda e ORAL