Mediante a Resolución de Alcaldía deste concello, do 20 de maio de 2022, aprobouse a oferta de emprego público para a estabilización de emprego temporal, que cumpre co disposto no artigo 2 da Lei 20/2021, do 28 de decembro, de medidas urxentes para a redución da temporalidade no emprego público.

Mediante a Resolución de Alcaldía deste concello, do 2 de decembro de 2022, aprobouse a rectificación de erros seguinte:

Detectouse un erro aritmético existente con respecto á xornada do axente TIC:

Persoal laboral:

Grupo de cotización da Seguridade Social	Categoría laboral	Nº prazas	Sistema de acceso	Tipo de xornada
2	Axente TIC de Aula Cemit	1	Concurso	Completa

Cando, en realidade, a descrición debería ser:

Persoal laboral:

Grupo de cotización da Seguridade Social	Categoría laboral	Nº prazas	Sistema de acceso	Tipo de xornada
2	Axente TIC de Aula Cemit	1	Concurso	Parcial

Visto o artigo 109.2 da Lei 39/2015, do 1 de outubro, do procedemento administrativo común das administracións públicas, que dispón: «As administracións públicas poderán, así mesmo, rectificar en calquera momento, de oficio ou por instancia dos interesados, os erros materiais, de feito ou aritméticos existentes nos seus actos».

Visto todo o anterior, esta alcaldía

RESOLVE:

Primeiro. Avocar, por razón de urxencia, a competencia delegada na Xunta de Goberno Local mediante a Resolución de Alcaldía, conforme o disposto no artigo 10 da Lei 40/2015, do 1 de outubro, de réxime xurídico do sector público.

Segundo. Rectificar o erro material ou aritmético detectado na descrición da xornada do axente TIC, consistente en:

Onde di: «Tipo de xornada, xornada completa», debe dicir: «Tipo de xornada, xornada parcial».

Terceiro. Publicar esta corrección de erros no BOP de Ourense e no Diario Oficial de Galicia, en cumprimento do artigo 91 da Lei 7/1985, do 2 de abril, reguladora das bases de réxime local, e do artigo 70.2 do texto refundido da Lei do Estatuto básico do empregado público, aprobado polo Real decreto lexislativo 5/2015, do 30 de outubro.

Contra esta resolución, que pon fin á vía administrativa, poderase interpoñer alternativamente o recurso potestativo de reposición, ante o alcalde, no prazo dun mes contado desde o día seguinte ao da publicación deste anuncio, de conformidade co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou recurso contencioso-administrativo, ante o Xulgado do Contencioso-Administrativo de Ourense ou, á súa elección, o que corresponda ao seu domicilio, no prazo de dous meses contados a partir do día seguinte ao da recepción desta notificación, de conformidade co disposto no artigo 46 da Lei 29/1998, do 13 de xullo, reguladora da xurisdición contencioso-administrativa. Se se opta por interpoñer o recurso potestativo de reposición, non se poderá interpoñer recurso contencioso-administrativo ata que sexa resolto expresamente ou sexa desestimado por silencio. Todo isto sen prexuízo da posibilidade de interpoñer calquera outro recurso que se considere máis pertinente en dereito.

Leiro, 5 de decembro de 2022

Francisco José Fernández Pérez
Alcalde