Mediante o Acordo da Xunta de Goberno Local do 22.11.2022 aprobáronse as bases específicas que regularán os procesos selectivos para a cobertura dos postos de traballo incluídos na OEP do Concello do Pino do ano 2022 para a estabilización do emprego temporal, tal e como se transcribe:
Primeiro. Aprobar as bases específicas que regularán os procesos selectivos para a cobertura dos postos de traballo incluídos na OEP do Concello do Pino do ano 2022 para a estabilización do emprego temporal que se relacionan a seguir:
Cód. |
Denominación do posto |
Dot. |
Tipo de contrato |
Grupo |
Acceso libre |
5103 |
Animador deportivo |
1 |
Laboral fixo |
III |
D.A. 6ª da Lei 20/2021 |
5104 |
Animador sociocultural |
1 |
Laboral fixo |
III |
D.A. 6ª da Lei 20/2021 |
Segundo. Dar publicidade a esta resolución mediante anuncio no Boletín Oficial del Estado (BOE) e no Diario Oficial de Galicia (DOG), así como proceder á publicación das bases íntegras no Boletín Oficial da provincia (BOP), no taboleiro de anuncios municipal e na páxina web.
Contra esta resolución, que pon fin á vía administrativa, pode interpoñer alternativamente o recurso de reposición potestativo ante a Alcaldía, no prazo dun mes, contado desde o día seguinte ao da publicación deste anuncio, de conformidade cos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou recurso contencioso-administrativo, ante o Xulgado do Contencioso-Administrativo de Santiago de Compostela ou, á súa elección, o que corresponda ao seu domicilio, no prazo de dous meses, contados desde o día seguinte ao da recepción desta notificación, de conformidade co artigo 46 da Lei 29/1998, do 13 de xullo, da xurisdición contencioso-administrativa. Se se optase por interpoñer o recurso de reposición potestativo, non poderá interpoñer recurso contencioso-administrativo ata que aquel sexa resolto expresamente ou se producise a súa desestimación por silencio.
Todo isto sen prexuízo de que poida interpoñer calquera outro recurso que puidese considerar máis conveniente ao seu dereito.
O Pino, 23 de novembro de 2022
Manuel Taboada Vigo
Alcalde