A Orde do 31 de decembro de 2021 (DOG núm. 20, do 31 de xaneiro de 2022), conxunta da Consellería de Cultura, Educación e Universidade e da Vicepresidencia Segunda e Consellería de Economía, Empresa e Innovación, establece as bases reguladoras e a convocatoria para o ano 2022 das axudas de apoio á etapa de formación posdoutoral nas universidades do SUG, nos organismos públicos de investigación de Galicia e noutras entidades do Sistema de I+D+i galego, en réxime de publicidade, obxectividade e concorrencia competitiva.

Pola Resolución do 12 de xullo de 2022 (DOG núm. 145, do 1 de agosto), concedéronse as axudas de apoio á etapa de formación posdoutoral ás entidades que contraten as persoas seleccionadas que se relacionan no anexo I da citada resolución.

O artigo 17 da orde de convocatoria establece que, no caso de que se produza algunha renuncia ou outra causa de extinción da relación laboral, a entidade beneficiaria deberá comunicala á Secretaría Xeral de Universidades ou á Axencia Galega de Innovación (segundo sexa o caso), e que se poderá adxudicar unha nova axuda de acordo coa prelación sinalada na lista de espera, sempre e cando a renuncia se produza dentro do prazo de tres meses a partir da data de publicación da resolución de concesión.

No mesmo artigo tamén se indica que as renuncias soamente poderán ser cubertas coas solicitudes da lista de espera do órgano instrutor en que se produzan e que a persoa substituta quedará suxeita ás mesmas condicións durante o tempo de aproveitamento da axuda.

A competencia para adxudicar unha nova axuda correspóndelle á persoa titular da Consellería de Cultura, Educación, Formación Profesional e Universidades no caso de novas incorporacións procedentes da lista de espera das universidades do SUG, de acordo co artigo 17.5 da Orde do 31 de decembro de 2021.

En consecuencia, atendendo ás renuncias recibidas na Consellería de Cultura, Educación, Formación Profesional e Universidades,

RESOLVO:

Primeiro. Aceptar as renuncias ás axudas de formación posdoutoral que se indican a seguir:

Nº expediente	Univ.	1º apelido	2º apelido	Nome	Data de renuncia
ED481B-2022-054	USC	López	Lorenzo	Gonzalo	22.7.2022
ED481B-2022-063	USC	Míguez	Salina	Gabriela	8.8.2022
ED481B-2022-023	UVigo	Míguez	Álvarez	Carla María	25.10.2022
ED481B-2022-009	UVigo	López	Hortas	Lucía	21.7.2022
ED481B-2022-078	UVigo	Santalla	García	Hugo	10.10.2022
ED481B-2022-018	UVigo	Martínez	Román	Rosana	25.10.2022

Segundo. Conceder as axudas correspondentes ás entidades e persoas candidatas da lista de espera das universidades do SUG que se indican no anexo I.

Terceiro. Conceder as axudas de apoio á etapa de formación posdoutoral convocadas pola Orde do 31 de decembro de 2021 ás entidades que contraten as persoas seleccionadas que se relacionan no anexo I desta resolución.

Cuarto. Declarar extinguida a lista de espera.

Quinto. Redistribuír o crédito destinado ao financiamento destas axudas entre as universidades beneficiarias segundo as renuncias e as novas adxudicacións:

Univ.	Nº de axudas	Crédito (en euros)
2022	2023	2024	2025	Total
UDC	7	62.166,67	322.000,00	318.000,00	199.333,33	901.500,00
USC	21	321.166,73	1.029.000,00	961.000,00	514.333,27	2.825.500,00
UVigo	12	164.333,36	588.500,00	550.500,00	274.666,64	1.578.000,00
Total	40	547.666,76	1.939.500,00	1.829.500,00	988.333,24	5.305.000,00

Sexto. A data de comezo dos contratos será o 16 de decembro de 2022, cunha duración de tres anos.

Sétimo. As entidades beneficiarias deberán remitir un escrito de aceptación da axuda á Secretaría Xeral de Universidades, no prazo de dez días contados a partir do día seguinte ao da publicación desta resolución, e vincularán as persoas seleccionadas aos seus organismos mediante a formalización do correspondente contrato.

Oitavo. Contra esta resolución, que esgota a vía administrativa, as persoas interesadas poderán interpoñer recurso potestativo de reposición ante a persoa titular da Consellería de Cultura, Educación, Formación Profesional e Universidades, no prazo dun mes contado a partir do día seguinte ao da notificación da resolución, segundo o disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou directamente recurso contencioso-administrativo, no prazo de dous meses, ante a Sala do Contencioso-Administrativo do Tribunal Superior de Xustiza de Galicia, de conformidade cos artigos 19 e 46 da Lei 29/1998, do 13 de xullo, da xurisdición contencioso-administrativa.

Santiago de Compostela, 14 de decembro de 2022

O conselleiro de Cultura, Educación, Formación Profesional e Universidades
P.D. (Orde do 29.7.2022)
Manuel Vila López
Secretario xeral técnico da Consellería de Cultura,
Educación, Formación Profesional e Universidades

ANEXO I

Axudas concedidas procedentes da lista de espera

Universidade da Coruña.

Nº exp.	Entidade	1º apelido	2º apelido	Nome	Rama de coñecemento	Bolseiro Fulbright	1ª estadía		2ª estadía		3ª estadía		Nota
Datas	Zona	Datas	Zona	Datas	Zona
ED481B-2022-098	UDC	Novo	Díaz	Silvia	Ciencias	Non	1.2.2023 ao 31.1.2024	2	1.2.2024 ao 31.1.2025	2			79
ED481B-2022-004	UDC	Naya	Varela	Martín	Enxeñaría e arquitectura	Non	1.8.2024 ao 31.7.2025	2					77
ED481B-2022-066	UDC	Neira	García	Iago	Ciencias	Non	1.7.2023 ao 30.6.2024	2	1.7.2024 ao 30.6.2025	2			75,5

Universidade de Santiago de Compostela.

Nº exp.	Entidade	1º apelido	2º apelido	Nome	Rama de coñecemento	Bolseiro Fulbright	1ª estadía		2ª estadía		3ª estadía		Nota
Datas	Zona	Datas	Zona	Datas	Zona
ED481B-2022-014	USC	González	Campoy	Josefina	Ciencias	Non	1.9.2023 ao 31.8.2025	1					76

Universidade de Vigo.

Nº exp.	Entidade	1º apelido	2º apelido	Nome	Rama de coñecemento	Bolseiro Fulbright	1ª estadía		2ª estadía		3ª estadía		Nota
Datas	Zona	Datas	Zona	Datas	Zona
ED481B-2022-095	UVigo	Lago	Docampo	Mauro	Ciencias da saúde	Si	1.1.2023 ao 31.12.2024	3					79,65
ED481B-2022-076	UVigo	Villar	Cruces	Pedro	Ciencias	Non	1.1.2023 ao 31.12.2024	2					76