Mediante o Acordo da Xunta de Goberno Local do 7 de decembro de 2022 aprobouse a oferta de emprego público extraordinaria para o ano 2022 do Concello de Baleira, en cumprimento do previsto no artigo 2 e na disposición adicional sexta da Lei 20/2021, do 28 de decembro, de medidas urxentes para a redución da temporalidade no emprego público, co seguinte detalle:
|
Nº prazas |
Denominación |
Réxime xurídico |
Xornada |
Forma de selección |
|
4 |
Auxiliar de axuda a domicilio |
Laboral fixo |
Completa |
Concurso |
|
6 |
Auxiliar de axuda a domicilio |
Laboral fixo |
Completa |
Concurso-oposición |
|
1 |
Limpador/a |
Laboral fixo |
Completa |
Concurso |
|
1 |
Limpador/a |
Laboral fixo |
Parcial |
Concurso |
|
1 |
Ordenanza |
Laboral fixo |
Completa |
Concurso |
O que se fai público en cumprimento do artigo 91 da Lei 7/1985, do 2 de abril, da Lei reguladora das bases de réxime local, e do artigo 70 do texto refundido da Lei do Estatuto básico do empregado público, aprobado polo Real decreto lexislativo 5/2015, do 30 de outubro.
Contra o antedito acordo, que pon fin á vía administrativa, pódese interpor alternativamente recurso de reposición potestativo ante a Xunta de Goberno Local, no prazo dun mes contado desde o día seguinte ao da publicación do presente anuncio, de conformidade cos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou recurso contencioso-administrativo, ante o Xulgado do Contencioso-Administrativo de Lugo, ou, á súa elección, o que corresponda ao seu domicilio, no prazo de dous meses, contados desde o día seguinte ao da recepción da presente notificación, de conformidade co artigo 46 da Lei 29/1998, do 13 de xullo, da xurisdición contencioso-administrativa. Se se optase por interpor o recurso de reposición potestativo, non poderá interpor recurso contencioso-administrativo ata que aquel sexa resolto expresamente ou se produza a súa desestimación por silencio. Todo iso sen prexuízo de que se poida interpor calquera outro recurso que puidese considerar máis conveniente ao seu dereito.
Baleira, 21 de decembro de 2022
Ángel Enrique Martínez-Puga López
Alcalde
