No Boletín Oficial da provincia (BOP) da Coruña núm. 231, do 7 de decembro de 2022, e no núm. 241, do 22 de decembro de 2022, publicáronse integramente as bases xerais e as convocatorias e bases específicas que rexerán os procesos selectivos das seguintes prazas de persoal funcionario de carreira e de persoal laboral incluídas na oferta de emprego público extraordinaria do ano 2022 (OEP-E 2022) para a estabilización do emprego temporal do Concello das Pontes de García Rodríguez:

• Sistema de concurso-oposición, en quenda libre (artigo 2 da Lei 20/2021, do 28 de decembro):

– Unha praza de limpador/a.

– Unha praza de auxiliar de biblioteca, oficina de información xuvenil e arquivo.

– Unha praza de auxiliar do servizo de axuda no fogar.

• Sistema de concurso, en quenda libre e cota reserva para persoas con capacidades diferentes (disposición adicional 6ª da Lei 20/2021, do 28 de decembro):

Persoal funcionario:

– Unha praza de administrativo/a.

Persoal laboral:

– Unha praza de técnico/a de servizos.

– Unha praza de oficial de primeira.

– Tres prazas de peón/peoa.

– Sete prazas de limpador/a.

– Unha praza de asesor/a xurídico/a do Centro de Información á Muller.

– Unha praza de auxiliar do servizo de axuda no fogar.

– Unha praza de conserxe de cultura.

– Unha praza de auxiliar de biblioteca.

– Dúas prazas de profesor/a de conservatorio. Especialidade: piano.

– Unha praza de profesor/a de conservatorio. Especialidade: vento metal.

– Unha praza de profesor/a de conservatorio. Especialidade: guitarra.

– Unha praza de profesor/a de conservatorio. Especialidade: saxofón.

– Unha praza de profesor/a de conservatorio. Especialidade: harmonía e piano complementario.

– Unha praza de profesor/a de conservatorio. Especialidade: percusión.

– Unha praza de profesor/a de conservatorio. Especialidade: violín.

– Unha praza de profesor/a de conservatorio. Especialidade: clarinete.

– Unha praza de profesor/a de conservatorio. Especialidade: frauta travesa.

– Unha praza de profesor/a de conservatorio. Especialidade: linguaxe musical.

– Unha praza de profesor/a de conservatorio. Especialidade: violoncello.

– Unha praza de redactor/a-locutor/a-cámara.

– Dúas prazas de técnico/a de protección civil.

– Unha praza de peón/peoa de protección civil.

– Unha praza de orientador/a laboral.

– Unha praza de administrativo/a.

– Unha praza de axente de desenvolvemento local.

O prazo de presentación de solicitudes será de vinte días hábiles, contados desde o día seguinte ao da publicación do anuncio da convocatoria no Boletín Oficial del Estado.

Os sucesivos anuncios relativos a esta convocatoria, cando procedan, publicaranse de acordo co previsto nas súas bases reguladoras.

As Pontes de García Rodríguez, 22 de decembro de 2022

O alcalde
P.D. (Decreto 993/2019, do 24 de xuño;
BOP núm. 121, do 28.6.2019)
Ana María Pena Purriños
Concelleira delegada da Área de Recursos Humanos,
Industria e Emprego