Mediante a Resolución da Alcaldía 2022-0508, do 22 de decembro de 2022, aprobáronse as bases que regulan a convocatoria para cubrir as seguintes prazas:
• Por concurso, como persoal laboral fixo a tempo completo: 1 auxiliar administrativo servizos sociais-encargado de padróns municipais, 9 auxiliares de axuda no fogar, 1 persoal Grupo Emerxencias Supramunicipais e 1 operario.
• Por concurso, como persoal laboral fixo a tempo parcial: 1 profesor escola música municipal, especialidade percusión; 1 profesor escola música municipal, especialidade piano; 1 profesor escola música municipal, especialidade guitarra.
• Por concurso-oposición, como persoal laboral fixo a tempo completo: 1 auxiliar administrativo, 1 limpador/a, 4 auxiliares de axuda no fogar, 1 chofer motoniveladora e 1 persoal Grupo Emerxencias Supramunicipais.
As bases íntegras foron publicadas no Boletín Oficial da provincia de Lugo núm. 296, do 28 de decembro de 2022.
O prazo de presentación de instancias será de 20 días hábiles contados a partir do día seguinte ao da publicación da convocatoria no Boletín Oficial del Estado.
Os sucesivos anuncios relativos á convocatoria publicaranse no Boletín Oficial da provincia de Lugo, no taboleiro de anuncios e na sede electrónica do Concello.
A Pontenova, 23 de decembro de 2022
Darío Campos Conde
Alcalde presidente