No Boletín Oficial da provincia de Ourense (BOP) número 293, do 24 de decembro de 2022, publicáronse as bases reguladoras do proceso selectivo para a provisión das prazas incluídas na oferta extraordinaria de emprego público para estabilizar o emprego temporal no Inorde, de conformidade coa Lei 20/2021, provisión que se realizará mediante concurso-oposición e concurso das seguintes prazas:
Concurso-oposición:
– Unha (1) praza de administrativo/a: persoal funcionario.
Concurso:
– Unha (1) praza de técnico/a de proxectos: persoal laboral fixo.
– Unha (1) praza de técnico/a AEDL: persoal laboral fixo.
– Unha (1) praza de técnico/a económico: persoal laboral fixo.
– Unha (1) praza de auxiliar administrativo/a: persoal funcionario.
– Dúas (2) prazas de técnico/a de laboratorio: persoal laboral fixo.
– Dúas (2) prazas de peón/oa agrícola: persoal laboral fixo.
– Unna (1) praza de técnico/a veterinario/a: persoal laboral fixo.
O prazo de presentación de solicitudes será de vinte (20) días naturais seguintes ao da publicación do anuncio no BOE. Publicaranse previamente as bases íntegras no BOP e un anuncio no DOG.
O que se fai público para os efectos oportunos e en cumprimento do artigo 205 da Lei 2/2015, do 29 de abril, do emprego público de Galicia.
Ourense, 26 de decembro de 2022
Rosendo Luis Fernández Fernández
Presidente do Instituto Ourensán de Desenvolvemento Económico-Inorde