A representación da titularidade do centro privado (CPR) Malvedo, de Coles, solicita a modificación da autorización para impartir o bacharelato da modalidade Xeral.
Logo da tramitación do expediente de acordo co establecido no Decreto 133/1995, do 10 de maio, de autorización de centros docentes privados para impartir ensinanzas de réxime xeral non universitarias, e coa Orde do 20 de setembro de 1995 que o desenvolve, por proposta da Dirección Xeral de Centros e Recursos Humanos,
DISPOÑO:
Artigo 1. Modificación da autorización
Modificar a autorización do centro para impartir o bacharelato da modalidade Xeral, quedando o centro configurado como se detalla a seguir:
– Denominación: centro privado (CPR) Malvedo.
– Código: 32016731.
– Domicilio: Malvedo, s/n
– Localidade: Coles.
– Concello: Coles.
– Provincia: Ourense.
– Titular: Colegio Concepción Arenal Malvedo, S.L.
Composición resultante:
a) 3 unidades do segundo ciclo de educación infantil.
b) 4 unidades de educación secundaria obrigatoria.
c) 6 unidades de bacharelato das seguintes modalidades:
– Ciencias e Tecnoloxía.
– Humanidades e Ciencias Sociais.
– Xeral.
Artigo 2. Inicio da actividade
Para a posta en funcionamento das ensinanzas que se autorizan, a Xefatura Territorial da Consellería de Cultura, Educación, Formación Profesional e Universidades de Ourense, logo do informe do Servizo Territorial de Inspección Educativa, aprobará expresamente a relación de persoal que impartirá docencia.
Artigo 3. Inscrición no rexistro de centros
Esta orde dará lugar á correspondente inscrición no Rexistro de Centros da Comunidade Autónoma de Galicia.
Artigo 4. Revisión da autorización
O centro queda obrigado ao cumprimento da normativa vixente e a solicitar a oportuna revisión cando teña que modificarse calquera dos datos que se sinalan nesta orde.
Disposición derradeira primeira. Recursos
Contra esta orde, que esgota a vía administrativa, as persoas interesadas poderán formular recurso potestativo de reposición ante esta consellería, no prazo dun mes, contado a partir do día seguinte ao da súa publicación no Diario Oficial de Galicia, segundo o disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou ben, directamente, o recurso contencioso-administrativo no prazo de dous meses desde a mesma data, ante a Sala do Contencioso-Administrativo do Tribunal Superior de Xustiza de Galicia, de conformidade co artigo 46 da Lei 29/1998, do 13 de xullo, reguladora da xurisdición contencioso-administrativa.
Disposición derradeira segunda. Entrada en vigor
Esta orde entrará en vigor o día seguinte ao da súa publicación no Diario Oficial de Galicia.
Santiago de Compostela, 20 de decembro de 2022
Román Rodríguez González
Conselleiro de Cultura, Educación, Formación Profesional
e Universidades