O artigo 15 da Lei 1/2016, do 18 de xaneiro, de transparencia e bo goberno, impón a cada consellería ou entidade da Xunta de Galicia a obriga de remitir, para a súa publicación no Diario Oficial de Galicia, unha relación dos convenios subscritos referida ao cuadrimestre anterior.
En consecuencia, e para dar cumprimento a esta obriga,
DISPOÑO:
Artigo único. Dar publicidade á relación dos convenios subscritos polo Instituto de Estudos do Territorio no terceiro cuadrimestre do ano 2022, que se incorpora como anexo a esta resolución.
Santiago de Compostela, 16 de xaneiro de 2023
Enrique Luis de Salvador Sánchez
Director do Instituto de Estudos do Territorio
ANEXO
|
Convenio |
Obxecto do convenio |
Achega económica do IET |
Data de sinatura |
|
3ª addenda ao convenio de colaboración entre o organismo autónomo Instituto de Estudos do Territorio, o Consorcio Turismo Ribeira Sacra e a Federación Galega de Municipios e Provincias polo que se aproba o Pacto pola paisaxe para a protección, xestión e ordenación da paisaxe na futura área de especial interese paisaxístico 05-03 Ribeira Sacra. |
Modificación da cláusula sexta do convenio, asinado o 5.10.2020, co fin de ampliar o prazo de xustificación das actuacións previstas para o ano 2022 do 30.10.2022 ata o 30.11.2022, e do seu anexo: bases para a elaboración do documento técnico no seu punto 2 «contido xeral do documento», na alínea d.5) «mellora dos itinerarios de interese paisaxístico con valores panorámicos». |
Sen achega económica |
14.9.2022 |
|
2ª addenda ao convenio de colaboración entre o organismo autónomo Instituto de Estudos do Territorio, a Axencia de Infraestruturas de Galicia, o Consorcio Turismo Ribeira Sacra, a Deputación de Lugo e a Deputación de Ourense para a execución do Plan de acción da paisaxe na Ribeira Sacra. |
Modificación da cláusula oitava do convenio, asinado o 22.9.2021, dándolle unha nova redacción –documentación xustificativa da execución e gastos–, co obxecto de ampliar o prazo de xustificación da anualidade 2022 do 15 ao 30 de novembro de 2022. |
Sen achega económica |
22.9.2022 |
|
Prórroga do acordo de colaboración entre o Instituto de Estudos do Territorio e a Axencia Tributaria de Galicia para a elaboración de determinacións na base de datos xeográfica empregada pola Axencia Tributaria de Galicia na comprobación de valores de inmobles de natureza rústica. |
Prorrogar catro anos máis o acordo de colaboración, que foi asinado o 26 de novembro de 2018, de conformidade co previsto na súa cláusula sexta. |
Sen achega económica |
22.11.2022 |
