No Boletín Oficial da provincia de Ourense número 296, do 28 de decembro de 2022, publicáronse integramente as bases reguladoras e a convocatoria dos procesos selectivos para a provisión das seguintes prazas incluídas na oferta de emprego público extraordinaria para estabilizar o emprego temporal do Concello de Monterrei, de conformidade coa Lei 20/2022, polo procedemento de concurso-oposición:

Unha (1) praza de orientador/a laboral, persoal laboral fixo, asimilada a A2, con xornada a tempo completo.

Unha (1) praza de educador/a social, persoal laboral fixo, asimilada a A2, con xornada a tempo completo.

Unha (1) praza de auxiliar de biblioteca, persoal laboral fixo, grupo IV, con xornada a tempo completo.

Unha (1) praza de oficial de servizos varios (fontaneiro/a), persoal laboral fixo, grupo IV, con xornada a tempo completo.

Unha praza (1) praza de operario condutor/a de rozadoira (agrupada co Concello de Cualedro), persoal laboral fixo, grupo V, con xornada a tempo completo.

Nove (9) prazas de auxiliar de axuda no fogar, persoal laboral fixo, grupo V, con xornada a tempo completo.

Unha (1) praza de limpador/a de instalacións municipais, persoal laboral fixo, grupo V, con xornada a tempo parcial (5 horas semanais).

O prazo para a presentación de solicitudes será de vinte (20) días naturais contados desde o día seguinte ao da publicación do anuncio da convocatoria no Boletín Oficial del Estado (BOE).

Os sucesivos anuncios referentes a esta convocatoria, cando procedan de conformidade coas bases, publicaranse no Boletín Oficial da provincia, no taboleiro de anuncios e na sede electrónica do Concello (https://monterrei.sedelectronica.es), nos termos establecidos nas bases.

Monterrei, 3 de xaneiro de 2023

José Luis Suárez Martínez
Alcalde