De acordo co disposto no artigo 118 da Lei 2/2016, do 10 de febreiro, do solo de Galicia, a Xunta de Goberno da Deputación Provincial de Lugo, na súa sesión do 9.12.2022, acordou a aprobación inicial do proxecto de expropiación, por taxación conxunta, da parcela 7267104PH5776N0001HE, para a súa integración na residencia de maiores Residencial Rois da Fonsagrada.

Así mesmo, acordouse someter á información pública, polo período dun mes, o citado proxecto de expropiación, mediante a inserción deste anuncio no Diario Oficial de Galicia e nun xornal dos de maior circulación da provincia, para que calquera persoa que resulte interesada poida examinar o expediente e formular as observacións ou alegacións que considere convenientes.

Igualmente, o acordo notificaráselles aos titulares dos bens e dereitos que figuran nel, achegándolles a correspondente folla de valoración e a proposta de fixación dos criterios de valoración, para que poidan formular as alegacións no prazo dun mes.

Durante o prazo de información pública, contado desde o día seguinte ao da última publicación deste anuncio ou desde o día seguinte ao da correspondente notificación, o proxecto de expropiación, así como o acordo da Xunta de Goberno, estarán dispoñibles para a súa consulta nos seguintes lugares:

Servizo de Expropiacións e Control de Proxectos da Deputación Provincial de Lugo, situado na rolda da Muralla, 140, pavillón 3, 2º andar, 27004 Lugo, os días laborables, en horario das 9.00 ás 14.00 horas. O teléfono de contacto para solicitar cita previa é o 982 26 59 43.

Na sede electrónica da Deputación Provincial de Lugo: https://www.deputacionlugo.gal/temas/infraestructuras/expropiacions/informacion_publica

A relación de bens e dereitos afectados polo proxecto de expropiación é a seguinte:

Nº de predio	Referencia catastral	Titulares	Superficie afectada (m2)	Importe total da expropiación	Bens afectados
1	7267104PH5776N0001HE	Dolores Trashorras Carreira	156	167.209,18 €	Casa unifamiliar de 430 m² construídos totais, formada por planta baixa dedicada a garaxe, portal e escaleiras (155 m²), primeira planta dedicada a vivenda (161 m²) e faiado dedicado a almacén (114 m²). Construción do ano 1945, reformada en 1998, enfuscado exterior, carpintaría exterior de aluminio branco sinxelo, cuberta de lousa, estado de conservación normal

Lugo, 20 de decembro de 2022

O presidente da Deputación Provincial de Lugo P.D. (Decreto 26.7.2019) Pablo Rivera Capón Deputado delegado de Promoción Económica e Social

O secretario xeral da Deputación Provincial de Lugo P.S. Leticia Rodríguez Díaz Xefa do Servizo de Asistencia Xurídica, Técnica e Económica aos Concellos