No DOG núm. 246, do 28 de decembro, publicouse o Anuncio do 20 de decembro de 2022 polo que se fai pública a convocatoria e bases específicas para a oferta extraordinaria de emprego público 2022, para a estabilización de emprego en Portos de Galicia.
1. Ante as dúbidas xurdidas na interpretación das titulacións segundo os postos recollidos no anexo II das bases da convocatoria, faise a seguinte corrección:
Celador-gardapeiraos: titulación bacharelato, FP II ou equivalente.
Condutor-conserxe: titulación bacharelato, FP II ou equivalente.
Auxiliar administrativo: titulación ESO, técnico ou equivalente.
Técnico en comunicación e relación externas: titulación grao ou licenciado en Periodismo.
Xefe de unidade: titulación de grao ou licenciado en Dereito.
Xefe zona sur: titulación de Enxeñeiro de Camiños, Canles e Portos.
Axudante topógrafo: titulación FP II técnico superior DPU e OT.
2. Reagrúpanse os postos do grupo III celador-gardapeiraos que pasan a ser 11.
3. Amplíase o prazo indicado na base 1.3.2 da convocatoria ata o día 17 de febreiro de 2023 (incluído).
4. Esta resolución pon fin á vía administrativa e contra ela as persoas interesadas poderán presentar recurso potestativo de reposición ante a presidenta de Portos de Galicia no prazo dun mes contado desde o día seguinte ao da súa publicación no DOG, de conformidade co establecido na Lei 39/2015, do 1 de outubro, ou impugnala directamente ante a Sala do Contencioso-Administrativo do Tribunal Superior de Xustiza de Galicia, no prazo de dous meses, contados desde a mesma data, de conformidade co disposto na Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 23 de xaneiro de 2023
Susana Lenguas Gil
Presidenta de Portos de Galicia