No Boletín Oficial da provincia (BOP) da Coruña núm. 247, do 30 de decembro de 2022, publicáronse integramente as bases xerais e as convocatorias e as bases específicas que rexerán os procesos selectivos das seguintes prazas de persoal laboral fixo e funcionario incluídas na oferta de emprego público extraordinaria do ano 2022, para a estabilización do emprego temporal no Concello de Cedeira:
Sistema selectivo de concurso, en quenda libre (disposicións adicionais 6ª e 8ª da Lei 20/2021, do 28 de decembro):
– Unha praza de auxiliar administrativo/a de biblioteca, persoal funcionario.
– Dúas prazas de administrativo/a de servizos económicos, persoal funcionario.
– Unha praza de AEDL, persoal laboral.
– Unha praza de asistente/a social, persoal laboral.
– Dezasete prazas de auxiliar de axuda no fogar, persoal laboral.
– Unha praza de auxiliar administrativo/a de servizos sociais, persoal laboral.
– Unha praza de educador/a familiar, persoal laboral.
– Cinco prazas de limpador/a, persoal laboral.
– Unha praza de limpador/a, persoal laboral (ao 50 % da xornada laboral).
– Dúas prazas de operario do grupo E polideportivo, persoal laboral.
– Unha praza de psicólogo/a, persoal laboral (ao 66,66 % da xornada).
– Unha praza de subalterno/a da Administración xeral, persoal laboral.
Sistema selectivo de concurso-oposición, en quenda libre (artigo 2 da Lei 20/2021, do 28 de decembro):
– Oito prazas de auxiliar de axuda no fogar, persoal laboral.
– Unha praza de limpador/a, persoal laboral (ao 50 % da xornada laboral).
– Dúas prazas de peón/peoa, persoal laboral.
O prazo de presentación de solicitudes será de vinte (20) días hábiles, contados a partir do día seguinte ao da data de publicación do anuncio da convocatoria no BOE.
Os sucesivos anuncios relativos a esta convocatoria, cando procedan, publicaranse de acordo co previsto nas súas bases reguladoras.
Cedeira, 18 de xaneiro de 2023
Manuel Pérez Riola
Alcalde accidental