No Boletín Oficial da provincia de Pontevedra (BOP) número 15, do luns 23 de xaneiro de 2023, publicáronse as bases reguladoras dos procesos de provisión (mobilidade) e de selección (promoción interna) para o acceso a varias categorías do corpo da Policía local correspondentes con prazas da OEP ordinaria do ano 2022.
A concelleira delegada do Servizo de Persoal e Cultura convocou, mediante Resolución do 10 de xaneiro de 2023, os procesos de provisión de postos, polo sistema de mobilidade, para a provisión dos postos vacantes no Concello de Pontevedra incluídos na oferta de emprego público ordinaria correspondente ao exercicio 2022 que a seguir se sinalan:
– Grupo segundo o artigo 76 do texto refundido da Lei do Estatuto básico do empregado público, aprobado polo Real decreto lexislativo 5/2015: C. Subgrupo C1. Clasificación: escala de administración especial, subescala de servizos especiais. Número de vacantes: 2. Denominación: policía.
– Grupo segundo o artigo 76 do texto refundido da Lei do Estatuto básico do empregado público, aprobado polo Real decreto lexislativo 5/2015: A. Subgrupo A2. Clasificación: escala de administración especial, subescala de servizos especiais. Número de vacantes: 1. Denominación: inspector/a.
O prazo de presentación de instancias para participar nos procesos de provisión sinalados será de quince días hábiles contados a partir do día seguinte ao da publicación deste anuncio no Boletín oficial del Estado, logo de se publicaren os sucesivos anuncios no Boletín Oficial da provincia de Pontevedra e no taboleiro de edictos da corporación nos termos establecidos nas bases.
Así mesmo, na mesma resolución convocouse, mediante o proceso selectivo para a cobertura pola quenda de promoción interna, a praza vacante no Concello de Pontevedra incluída na oferta de emprego público ordinaria do ano 2022 que a seguir se sinala:
– Grupo segundo o artigo 76 do texto refundido da Lei do Estatuto básico do empregado público, aprobado polo Real decreto lexislativo 5/2015: C. Subgrupo C1. Clasificación: escala de administración especial, subescala de servizos especiais, clase: policía local. Número de vacantes: 1. Denominación: oficial.
O prazo de presentación de instancias para participar no antedito proceso de selección será de vinte (20) días naturais contados a partir do día seguinte ao da publicación deste anuncio no Boletín Oficial del Estado, logo de se publicaren os sucesivos anuncios no Boletín Oficial da provincia de Pontevedra e no taboleiro de edictos da corporación nos termos establecidos nas bases.
Pontevedra, 30 de xaneiro de 2023
O alcalde
P.D. (Acordo do 15.6.2019)
María del Carmen Fouces Díaz
Concelleira delegada do Servizo de Persoal e Cultura