A Xunta de Goberno Local do Concello de Caldas de Reis, en sesión extraordinaria urxente do 27 de xaneiro de 2023, aprobou a oferta de emprego público do ano 2022 que di:

Primeiro. Aprobar a oferta de emprego público deste concello para o ano 2022, que contén as seguintes prazas:

Núm.	Praza	Código da praza RPT	Sistema de acceso	Vínculo praza
1	Oficial/a de policía local	04.00.00.03	Promoción interna	Funcionario/a
1	Policía local	04.00.00.14	Acceso libre	Funcionario/a
1	Oficial/a electricista	06.01.00.04	Acceso libre concurso-oposición	Laboral
1	Auxiliar administrativo/a	06.01.00.13	Acceso libre oposición	Funcionario/a
1	Técnico/a de xestión persoal	02.03.00.01	Acceso libre concurso-oposición	Funcionario/a
1	Enxeñeiro/a técnico/a	03.00.00.02	Acceso libre concurso-oposición	Funcionario/a

Segundo. Publicar a oferta de emprego público no taboleiro de anuncios da Corporación, así como na sede electrónica deste concello, no Boletín Oficial da provincia e no Diario Oficial de Galicia.

Terceiro. Convocar as prazas ofertadas en execución desta oferta de emprego público dentro do prazo improrrogable de tres anos, contados desde a súa data de publicación.

Contra o acordo, que pon fin á vía administrativa, pode interporse alternativamente o recurso de reposición potestativo ante o alcalde, no prazo dun mes contado desde o día seguinte ao da publicación do presente anuncio, de conformidade cos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou recurso contencioso-administrativo, ante o Xulgado do Contencioso-Administrativo de Pontevedra ou, á súa elección, o que corresponda ao seu domicilio, no prazo de dous meses, contados desde o día seguinte ao da publicación do anuncio, de conformidade co artigo 46 da Lei 29/1998, do 13 de xullo, da xurisdición contencioso-administrativa. En caso de interpoñerse recurso de reposición, o prazo de interposición do recurso contencioso-administrativo será igualmente de dous meses a contar desde a notificación da resolución desestimatoria do recurso de reposición, se fose expresa, ou desde a súa desestimación tácita, que se producirá no prazo de seis meses se non se resolve o recurso de reposición interposto. Todo isto sen prexuízo de que interpoña calquera outro que estime procedente.

Caldas de Reis, 1 de febreiro de 2023

Juan Manuel Rey Rey
Alcalde presidente