Por Resolución do 15 de novembro de 2022, da Xerencia da Área Sanitaria Pontevedra e O Salnés (DOG núm. 225, do 25 de novembro), convocouse a provisión, polo sistema de avaliación colexiada, dun posto de Xefatura de Servizo de Análises Clínicas.
En virtude das competencias atribuídas polo Decreto 134/2019, do 10 de outubro, polo que se regulan as áreas sanitarias e os distritos sanitarios do Sistema público de saúde de Galicia (DOG núm. 204, do 25 de outubro), o xerente da Área Sanitaria de Pontevedra e O Salnés
RESOLVE:
Primeiro. Declarar deserta a convocatoria para a provisión dun posto de Xefatura de Servizo de Análises Clínicas na Xerencia da Área Sanitaria de Pontevedra e O Salnés, por non concorrer aspirantes ao procedemento convocado.
Segundo. Contra a presente resolución poderá interpoñerse recurso de alzada ante a Dirección Xeral de Recursos Humanos do Servizo Galego de Saúde, no prazo dun mes, contado desde o día seguinte ao da publicación desta resolución, segundo o establecido nos artigos 121 e 122 da Lei 39/2015, do 1 de outubro, do procedemento administrativo común das administracións públicas.
Pontevedra, 9 de febreiro de 2023
José Manuel Flores Arias
Xerente da Área Sanitaria Pontevedra e O Salnés