No Boletín Oficial da provincia de Lugo número 39, do 16 de febreiro de 2023, publícanse integramente a convocatoria e as bases que rexerán o proceso ordinario de selección de persoal funcionario para o acceso en propiedade a unha praza de auxiliar administrativo do Concello de Becerreá incluído no cadro de persoal, aprobadas pola Resolución da Alcaldía do 10 de febreiro de 2023.

O prazo de presentación de solicitudes será de vinte días naturais contados desde o seguinte ao da publicación deste anuncio no BOE.

Os sucesivos anuncios relacionados con esta convocatoria faranse públicos no Boletín Oficial da provincia de Lugo e no taboleiro de anuncios da sede electrónica do Concello de Becerreá no enderezo https://concellodebecerrea.sedelectronica.gal

Becerreá, 16 de febreiro de 2023

Manuel Martínez Núñez
Alcalde presidente