No Boletín Oficial da provincia (BOP) da Coruña núm. 20, do 30.1.2022, publícanse as bases xerais e no BOP da Coruña núm. 34, do 17.2.2023, publícanse as convocatorias e as bases específicas que regulan os procesos selectivos para o ingreso nas prazas de persoal laboral fixo no Concello de Camariñas, incluídas na oferta de emprego público ordinaria do ano 2022, que a continuación se sinalan:
Denominación da praza: capataz. Grupo: V. Núm. de prazas: 1. Situación laboral: vacante. Sistema de acceso: concurso-oposición. Xornada completa.
Denominación da praza: oficial/a de obras. Grupo: V. Núm. de prazas: 1. Situación laboral: vacante. Sistema de acceso: concurso-oposición. Xornada completa.
O prazo de presentación de solicitudes será de vinte (20) días naturais, contados desde o día seguinte ao da publicación do extracto da convocatoria e das bases no Boletín Oficial del Estado (BOE).
Os sucesivos anuncios referentes a esta convocatoria, cando procedan de conformidade coas bases, publicaranse no BOP da Coruña, así como no taboleiro de anuncios da sede electrónica e na páxina web do Concello de Camariñas.
Camariñas, 27 de febreiro de 2023
Sandra Insua Rial
Alcaldesa