Mediante a Resolución do 29 de decembro de 2022, a directora xeral da Axencia Galega de Desenvolvemento Rural convocou o proceso selectivo extraordinario de estabilización derivado da Lei 20/2021, do 28 de decembro, pola quenda de acceso libre e mediante o sistema de concurso, para o ingreso nas categorías de técnico/a de contabilidade, técnico/a de plans e estudos, técnico/a superior de estudos, oficial administrativo/a, programador/a (técnico/a informático) e condutor/a ordenanza, grupos I, III e IV da Axencia Galega de Desenvolvemento Rural.

A epígrafe IV.I da dita resolución dispón que a Comisión de Selección do proceso selectivo será nomeada mediante resolución da Dirección da Axencia Galega de Desenvolvemento Rural e que se publicará no Diario Oficial de Galicia (DOG). Así mesmo, establece que a súa composición virá determinada polo previsto no artigo 59 da Lei do emprego público de Galicia (LEPG), artigo 60 do texto refundido da Lei do Estatuto básico do empregado público (TRLEBEP) e artigo 48 do Decreto lexislativo 2/2015, do 12 de febreiro, polo que se aproba o texto refundido das disposicións legais da Comunidade Autónoma de Galicia en materia de igualdade, e o Decreto 95/1991, do 20 de marzo, polo que se aproba o Regulamento de selección de persoal da Administración da Comunidade Autónoma de Galicia.

Mediante a Resolución do 17 de febreiro de 2023, a directora xeral da Axencia Galega de Desenvolvemento Rural nomeou a Comisión de Selección de que se trata (DOG núm. 40, do 27 de febreiro). Á vista das circunstancias que concorren nalgún dos membros nomeados, cómpre modificar a composición da Comisión de Selección.

Tendo en conta o anterior,

RESOLVO:

Modificar a composición da Comisión de Selección, nomeada mediante a Resolución do 17 de febreiro de 2023 (DOG núm. 40, do 27 de febreiro), para o proceso selectivo extraordinario de estabilización derivado da Lei 20/2021, do 28 de decembro, pola quenda de acceso libre e mediante o sistema de concurso, para o ingreso nas categorías de técnico/a de contabilidade, técnico/a de plans e estudos, técnico/a superior de estudos, oficial administrativo/a, programador/a (técnico/a informático) e condutor/a ordenanza, grupos I, III e IV da Axencia Galega de Desenvolvemento Rural, de xeito que a Comisión de Selección quede formada polas seguintes persoas:

– Presidente: José Sanlés López.

– Secretario: Juan José Martínez Piñeiro.

– Vogais: María Begoña Cereijo Silva.

Cristina Zolle Fernández.

José Miguel Curiel Cepeda.

Santiago de Compostela, 13 de marzo de 2023

Inés Santé Riveira
Directora xeral da Axencia Galega de Desenvolvemento Rural