De conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, as notificacións que non se puideron efectuar faranse por medio de anuncio no Boletín Oficial del Estado (BOE), co contido sinalado no artigo 46 da mesma lei, e a súa eficacia quedará supeditada á súa publicación no taboleiro de edictos únicos (TEU) do BOE.

Polo anterior, e logo de intentar a notificación persoal no domicilio que consta nos nosos arquivos, notifícaselle a comunicación do trámite de audiencia do expediente de expulsión dunha acción formativa para desempregados. A seguir publícase este anuncio, que terá efectos a partir do día seguinte ao da súa publicación no BOE.

A persona interesada dispón do prazo de dez días, contado a partir do día seguinte ao da súa publicación no BOE, para presentar alegacións e para comprobar o contido íntegro da comunicación nas dependencias da Xefatura Territorial, na rúa Gregorio Hernández, 2-4, da Coruña, das 9.00 ás 14.00 horas, de luns a venres.

A Coruña, 10 de marzo de 2023

Judit Fontela Baró
Xefa territorial da Coruña

ANEXO

Expediente: expulsión da acción formativa 2022/000866 Soldadura oxigás e soldadura MIG/MAG.

Persoa interesada: 46919177M.

Acto da notificación: comunicación do trámite de audiencia.