Antecedentes.
Por Resolución do 6 de febreiro de 2023 aprobouse o Plan de pesca da anguía para as Confrarías de Pescadores da Ría de Vigo, para a tempada 2023.
Os números 2 e 6 e os anexos A e B da devandita resolución establecen:
«2. Período.
O período autorizado será desde o 1 de maio ata o 31 de outubro de 2023».
«6. Zonas de pesca.
A zonas autorizadas de traballo e os períodos de actividade serán os seguintes:
Entre o 1 e o 31 de maio de 2023, segundo a carta mariña que se acompaña como anexo A (por dentro da zona delimitada entre a liña de referencia de Punta do Cabo e Punta do Pereiro ata a liña de referencia de limitación das augas continentais, de Punta Muxeira a Punta Ulló).
Entre o 1 de xuño e o 31 de outubro, na totalidade da Enseada de San Simón e segundo a carta mariña que se xunta como anexo B (da Ponte de Rande cara ao interior, ata a liña de referencia de limitación das augas continentais, de Punta Muxeira a Punta Ulló)».
«Anexo A.
(Período entre o 1.5.2023 e o 31.5.2023)».
«Anexo B.
(Período entre o 1.6.2023 e o 31.10.2023)».
A presente modificación estivo suxeita ás consultas ao sector afectado e a súa posterior conformidade por parte da Federación Provincial de Confrarías de Pescadores de Pontevedra.
Con base nisto, esta consellería
RESOLVE:
Modificar os números 2 e 6 e os anexos A e B da Resolución do 6 de febreiro de 2023 pola que se autoriza o Plan de pesca da anguía para as Confrarías de Pescadores da Ría de Vigo, para a tempada 2023, que queda redactado como segue:
«2. Período.
O período autorizado será desde o 1 de abril ata o 30 de setembro de 2023».
«6. Zonas de pesca.
A zonas autorizadas de traballo e os períodos de actividade serán os seguintes:
Entre o 1 de abril e o 31 de maio de 2023, segundo a carta mariña que se acompaña como anexo A (por dentro da zona delimitada entre a liña de referencia de Punta do Cabo e Punta do Pereiro ata a liña de referencia de limitación das augas continentais, de Punta Muxeira a Punta Ulló).
Entre o 1 de xuño e o 30 de setembro, na totalidade da Enseada de San Simón e segundo a carta mariña que se acompaña como anexo B (da Ponte de Rande cara ao interior, ata a liña de referencia de limitación das augas continentais, de Punta Muxeira a Punta Ulló)».
«Anexo A.
(Período entre o 1.4.2023 e o 31.5.2023)».
«Anexo B.
(Período entre o 1.6.2023 e o 30.9.2023)».
A presente resolución non modifica o resto das condicións establecidas no plan.
Contra esta resolución, que esgota a vía administrativa, poderase interpoñer recurso de reposición no prazo dun mes, contado desde o día seguinte ao da súa notificación, ante a conselleira do Mar, de conformidade co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas.
Santiago de Compostela, 10 de marzo de 2023
A conselleira do Mar
P.D. (Orde do 21.2.2022; DOG núm. 41, do 1 de marzo)
Antonio Basanta Fernández
Director xeral de Pesca, Acuicultura e Innovación Tecnolóxica