O artigo 18 do Decreto 66/2016, do 26 de maio, polo que se aproba o Regulamento xeral de estradas de Galicia, no seu número 8, impón a obriga de publicar no Diario Oficial de Galicia unha relación das actas de entrega dos cambios de titularidade asinadas coas entidades locais para os efectos do seu coñecemento por terceiros. En consecuencia, e para dar cumprimento a esta obriga,
DISPOÑO:
Artigo único. Dar publicidade da relación das actas de entrega asinadas dos cambios de titularidade de estradas ou treitos destas formalizados entre a Axencia Galega de Infraestruturas e distintas entidades locais, que se incorpora como anexo desta resolución.
Estas actas de entrega e os seus planos poderán consultarse na páxina web da Consellería de Infraestruturas e Mobilidade:
https://infraestruturasemobilidade.xunta.gal/estradas/rede-autonomica/raega
Santiago de Compostela, 15 de marzo de 2023
Francisco Menéndez Iglesias
Director da Axencia Galega de Infraestruturas
ANEXO
Actas de entrega asinadas
Acta de entrega |
Data de sinatura |
Acta de entrega ao Concello de Mugardos da estrada AC-132, de titularidade autonómica, incluído treito antigo, xunto co seu dominio público viario |
8.2.2022 |
Acta de entrega ao Concello de Coristanco de dous treitos do camiño entre os lugares de Midón e A Furoca, que discorren polo dominio público da estrada AG-55, xunto co seu dominio público viario |
20.2.2023 |
Acta de entrega ao Concello de Rois dunha superficie de 4.107,78 m² da zona de dominio público adxacente do treito da estrada AC-301, na súa marxe dereita, entre os pp.qq. 1+450 e 1+560 |
11.3.2022 |
Acta de entrega ao Concello da Coruña da totalidade da estrada AC-415 e da totalidade do treito da estrada AC-211, que discorre por ese concello, xunto co seu dominio público viario asociado |
13.4.2022 |
Acta de entrega ao Concello de Noia da totalidade da estrada AC-310 e de dous treitos de estradas da AC-311 e AC-550, xunto co seu dominio público viario asociado |
20.4.2022 |
Acta de entrega a prol da Xunta de Galicia do treito final da DP-5802 (p.q. 0+850 ao 1+060) |
19.7.2022 |
Acta de entrega ao Concello de Mugardos dun treito antigo da actual AC-133, situado na súa marxe esquerda, desde o p.q. 9+710 ao p.q. 9+840, aproximadamente, xunto co seu dominio público viario asociado |
29.7.2022 |
Acta de entrega ao Concello de Ames dun treito inicial da estrada AC-544, puntos quilométricos 0+000 ao 1+130 |
5.9.2022 |
Acta de entrega ao Concello de Abadín de dous treitos antigos da estrada LU-113, xunto co seu dominio público asociado |
8.3.2022 |
Acta de entrega ao Concello de Monforte de Lemos da franxa de dominio público viario (DPV) na marxe esquerda da LU-664, puntos quilométricos 0+890 e 1+150, agás calzada, beiravía e berma |
16.9.2022 |
Acta de entrega ao Concello do Valadouro da estrada de titularidade autonómica LU-163 na súa totalidade, xunto co seu dominio público viario |
14.11.2022 |
Acta de entrega ao Concello de Xermade duns treitos antigos das estradas LU-170 e LU-861, xunto co seu dominio público viario |
28.11.2022 |
Acta de entrega ao Concello de Ourense dun treito da estrada OU-540, xunto co seu dominio público viario |
7.2.2023 |
Acta de entrega ao Concello de Padrenda de dous treitos antigos da estrada OU-801, xunto co seu dominio público viario, e da franxa de dominio público viario denominada Área Recreativa da Agra |
8.2.2023 |
Acta de entrega ao Concello do Bolo duns treitos antigos da estrada OU-533, xunto co seu dominio público viario |
16.2.2023 |
Acta de entrega ao Concello de Verea dun treito antigo da estrada autonómica OU-540 |
16.2.2022 |
Acta de entrega ao Concello de Sanxenxo do dominio público viario asociado, agás calzada e beiravías, do treito da estrada PO-308 (p.q. 18+940-p.q. 19+760) e do treito da estrada PO-364 (p.q. 0+000-p.q. 0+300) |
8.7.2022 |
Acta de entrega ao Concello de Gondomar de varios treitos antigos das estradas PO-331, PO-332 e PO-340, xunto coa súa franxa de dominio público viario asociado |
9.9.2022 |
Acta de entrega ao Concello de Mondariz duns treitos antigos das estradas PO-254 e PO-262, do treito inicial da estrada PO-261, dunhas sendas peonís da estrada PO-262 e da estrada PO-431 na súa totalidade, xunto co seu dominio público viario |
1.12.2022 |
Acta de entrega a prol da Xunta de Galicia de todo o dominio público da rúa do Miño, no concello de Salvaterra de Miño |
20.2.2023 |