Polo Decreto da Alcaldía, do 22.3.2023, acordouse aprobar a oferta de emprego público do Concello de Cuntis para a cobertura de dúas prazas de policía local, e dispoñer a súa publicación no Boletín Oficial da provincia.
Primeiro. Aprobar a oferta de emprego público de:
Persoal funcionario:
Denominación da praza: policía local.
Grupo/subgrupo/categoría profesional: C1.
Núm. de vacantes: 2.
|
Número de prazas |
Denominación |
Escala |
Categoría |
Titulación exixible |
Nivel |
Sistema de acceso |
Procedemento de selección |
|
2 |
Policía local |
Admón. especial |
Policía local |
Bacharelato ou equivalente |
C1 |
Libre |
Oposición |
Segundo. Publicar no Diario Oficial de Galicia e no Boletín Oficial da provincia de Pontevedra.
Terceiro. Dar traslado á Academia Galega de Seguridade pública, á vista da addenda ao convenio asinada por este concello o 22.2.2023, co fin de que realice o proceso de selección correspondente (procedementos selectivos dos concursos unitarios).
Contra o acordo de aprobación da oferta de emprego público, que pon fin á vía administrativa, poderase interpoñer recurso potestativo de reposición ante o alcalde presidente do Concello de Cuntis, no prazo dun mes contado desde o día seguinte ao da publicación deste anuncio no BOP, ao abeiro do establecido no artigo 124 da Lei 39/2015, do procedemento administrativo común das administracións públicas, ou ben directamente recurso contencioso-administrativo, ante o Xulgado do Contencioso-Administrativo de Pontevedra, no prazo de dous meses contados desde o día seguinte ao desta publicación, consonte o disposto nos artigos 8.1 e 46.1 da Lei 29/1998, do 13 de xuño, da xurisdición contencioso-administrativa.
No caso de interpoñerse o recurso potestativo de reposición, deberase resolver e notificar no prazo dun mes, segundo establece o artigo 124.2 da devandita Lei 39/2015, entendéndose desestimado o recurso de reposición polo transcurso do dito prazo sen resolución expresa notificada, de conformidade co establecido na Lei 39/2015. Entón, os interesados poderán interpoñer recurso contencioso-administrativo no prazo de seis meses contados desde o día seguinte a aquel en que deba entenderse presuntamente desestimado o recurso de reposición interposto, consonte o establecido no artigo 46.1 e 4 da Lei 29/1998, reguladora da xurisdición contencioso-administrativa.
Non obstante, tamén se poderá interpoñer calquera outro recurso que os interesados consideren procedente conforme dereito.
Cuntis, 24 de marzo de 2023
Manuel Campos Velay
Alcalde
