O 26 de xaneiro de 2023, publícase no Diario Oficial de Galicia número 18, a Orde do 11 de xaneiro pola que se regulan as bases que rexerán as subvencións para entidades de acción voluntaria de carácter privado para o fomento e a realización de actividades de voluntariado e se procede á súa convocatoria para o ano 2023 (código de procedemento BS508B).
O artigo 6 da orde de convocatoria establece o prazo e a forma de presentación das solicitudes. O prazo de presentación de solicitudes sinalado no citado artigo é dun mes, contado a partir do día seguinte ao da publicación da orde no Diario Oficial de Galicia.
Así mesmo, no artigo 7 da orde determínase a documentación complementaria necesaria para a tramitación do procedemento.
Unha vez revisadas as solicitudes presentadas ao abeiro da dita orde de convocatoria polo órgano encargado da instrución, identificáronse aquelas que non reúnen a documentación necesaria, ben por non tela presentado, ben por conter erros ou por non ser suficiente para a determinación do cumprimento dos requisitos exixidos para a súa posterior remisión á comisión encargada da súa valoración.
O artigo 8 da dita orde establece, de conformidade co previsto no artigo 68 da Lei 39/2015, do 1 de outubro, do procedemento administrativo común das administracións públicas, que se na solicitude se aprecian defectos ou falta de documentación, o órgano instrutor requirirá a entidade solicitante para que, nun prazo de dez (10) días hábiles desde o día seguinte á notificación do dito requirimento, emende a falta ou achegue os documentos preceptivos, con indicación de que, se así non o fixer, se considerará desistida da súa petición, logo de resolución, que deberá ser ditada nos termos previstos no artigo 21 da referida lei.
Así mesmo, o artigo 14 da orde de convocatoria establece que se publicarán no Diario Oficial de Galicia, de conformidade co previsto no artigo 45 da dita Lei 39/2015, do 1 de outubro, os actos administrativos e a correspondente resolución deste procedemento e que esta publicación producirá os efectos de notificación.
Por todo o exposto,
RESOLVO:
1. Ordenar a publicación no Diario Oficial de Galicia do acto de requirimento de emenda de solicitudes ditado polo órgano instrutor do procedemento o 23 de marzo de 2023 no cal se relacionan as entidades que deben emendar a solicitude e/ou completar a documentación preceptiva exixida segundo o establecido nas bases reguladoras, e que figura como anexo desta resolución.
2. Facer indicación expresa a todas as entidades solicitantes recollidas no anexo de que son requiridas para que, no prazo de dez (10) días hábiles, contado a partir do día seguinte ao da publicación desta resolución no Diario Oficial de Galicia, emenden a falta ou acheguen os documentos preceptivos conforme se establece na orde de convocatoria. De non o facer, daranse por desistidas na súa petición, logo de resolución, que será ditada nos termos previstos no artigo 21 da Lei 39/2015, do 1 de outubro.
3. En caso de dúbida, dificultades técnicas ou necesidade de máis información durante o proceso de emenda da documentación das solicitudes, poderán dirixirse á Consellería de Política Social e Xuventude a través dos teléfonos 981 95 79 15 ou 881 99 65 30.
Santiago de Compostela, 24 de marzo de 2023
Cristina Pichel Toimil
Directora xeral de Xuventude, Participación e Voluntariado
ANEXO
Requirimento de emenda de solicitudes
Convocatoria: Orde do 11 de xaneiro de 2023 pola que se regulan as bases que rexerán as subvencións para entidades de acción voluntaria de carácter privado para o fomento e a realización de actividades de voluntariado e se procede á súa convocatoria para o ano 2023 (código de procedemento BS508B).
Acto administrativo: requirimento de emenda de solicitudes na Orde do 11 de xaneiro de 2023.
Data do acto: 23 de marzo de 2023.
Órgano competente: Servizo de Voluntariado e Participación.
Efectos: as entidades solicitantes terán un prazo máximo de dez (10) días hábiles, contados a partir do día seguinte ao da publicación do acto no Diario Oficial de Galicia, para emendar a falta ou achegar os documentos preceptivos. De non o facer, teranse por desistidas na súa petición, logo de resolución, que será ditada nos termos previstos no artigo 21 da Lei 39/2015, do 1 de outubro.
Relación de expedientes:
Nº de exp. |
Solicitante |
NIF da entidade |
Documentación requirida |
BS508B 2023/043 |
Asociación Mirabal |
G70312954 |
Proxecto de actividades (artigo 7.1): |
BS508B 2023/047 |
Agrupación Xuvenil, Socio Cultural, Recreativa y Deportiva Brigantium |
G15404403 |
– Anexo I: adaptar o orzamento solicitado (artigo 5.3). |
BS508B 2023/068 |
Asociación Aliad-Ultreia |
G27021120 |
– Anexo I e proxecto de actividades: o número de persoas voluntarias e persoas beneficiarias indicadas en cada un deles non coincide. |
BS508B 2023/089 |
Asociación Cultural O Castro |
G36116879 |
– Anexo I: adaptar o orzamento solicitado (art. 5.3). |
BS508B 2023/102 |
Asociación O Son do Pobo |
G94017704 |
– Proxecto de actividades (art. 7.1): indicar os obxectivos, a identificación dos problemas que se pretenden abordar, o número de persoas voluntarias coas cales se pretende executar o proxecto e o número de días que participará cada unha delas. – Anexo I e proxecto de actividades: o orzamento solicitado, o número de persoas beneficiarias e a duración do proxecto indicados en cada un deles non coincide. |
BS508B 2023/112 |
Asociación de Familiares de Enfermos de Alzhéimer y otras Demencias de Galicia, Afaga |
G36776920 |
– Anexo I: adaptar o orzamento solicitado (art. 5.3). – Proxecto de actividades (art. 7.1): revisar as datas das actividades (art. 2). – Anexo I e proxecto de actividades: a data de fin do proxecto non coincide. |
BS508B 2023/125 |
Asociación de Celíacos de Galicia, Acega |
G15675960 |
– Acreditación fidedigna da persoa representante legal da entidade. |
BS508B 2023/127 |
Cáritas Diocesana de Tui-Vigo |
R3600368I |
– Anexo I: indicar o orzamento solicitado (art. 5.3). |
BS508B 2023/139 |
Asociación Antonio Noche |
G15210388 |
– Proxecto de actividades (art. 7.1). |
BS508B 2023/140 |
Fundación Educativa Lar |
G27817493 |
– Proxecto de actividades (art. 7.1). |
BS508B 2023/144 |
Asociación de Axuda a Estudantes Estranxeiros |
G70406038 |
– Proxecto de actividades (art. 7.1): indicar unha denominación/nome, indicar un orzamento desagregado do custo total de todas as actividades e adaptar as actividades propostas acorde ao art. 3.1.b). |
BS508B 2023/145 |
Asociación de Produtores de Madeiras das Somozas, Promaso |
G70067707 |
– Proxecto de actividades (art. 7.1). |
BS508B 2023/148 |
Asociación Grupo Scout Ilex |
G32466187 |
– Anexo I e proxecto de actividades: a data de inicio do proxecto indicada en cada un deles non coincide. |