A Orde do 20 de decembro de 2021, da Consellería de Medio Ambiente, Territorio e Vivenda, estableceu as bases e convocou para o ano 2022 as axudas para paliar os danos producidos polo lobo.
Segundo o disposto no seu artigo 22.5, a relación das axudas concedidas publicarase no Diario Oficial de Galicia cando o importe destas, individualmente consideradas, sexa igual ou superior aos 3.000,00 €. Para as de contía inferior, a relación das concedidas e denegadas farase pública a través da páxina web da consellería, nos termos establecidos no artigo 17 da Lei 1/2016, do 18 de xaneiro, de transparencia e bo goberno.
De conformidade co disposto no artigo 15 da Lei 9/2007, do 13 de xuño, de subvencións de Galicia, os órganos administrativos concedentes publicarán no Diario Oficial de Galicia as subvencións concedidas con expresión da convocatoria, o programa e o crédito orzamentario a que se imputen, o beneficiario, a cantidade concedida e a finalidade ou finalidades da subvención.
De acordo co anterior,
RESOLVO:
1. Facer pública na páxina web da consellería as axudas de contía inferior aos 3.000,00 €, así como as denegadas. A ligazón é a seguinte:
https://cmatv.xunta.gal/seccion-tema/c/CMAOT_Conservacion?content=Direccion_Xeral_Conservacion_Natureza/Biodiversidade/seccion.html&std=infolobo_galicia.html&sub=publicacions_biodiversidade/
2. Facer pública a aprobación das axudas de contía superior aos 3.000,00 € que se relacionan como anexo a esta resolución, axustándose aos principios de publicidade, concorrencia, obxectividade, transparencia, igualdade e non discriminación, para as cales a directora xeral de Patrimonio Natural da Consellería de Medio Ambiente, Territorio e Vivenda, no desenvolvemento das súas funcións, delegadas nas bases reguladoras destas axudas, formulou resolución de concesión:
a) Norma reguladora da convocatoria: Orde do 20 de decembro de 2021 pola que se establecen as bases reguladoras das axudas para paliar os danos producidos polo lobo e se convocan para o ano 2022.
b) Aplicación orzamentaria: 08.03.541B.470.1.
c) Finalidade da axuda: compensación polos danos ocasionados polos ataques do lobo ás reses das explotacións gandeiras.
d) Destinatarios: propietarios de reses de explotacións gandeiras.
Santiago de Compostela, 12 de abril de 2023
Belén María do Campo Piñeiro
Directora xeral de Patrimonio Natural
ANEXO
Expediente |
Nome do/da beneficiario/a |
Importe (€) |
Data de resolución |
CO/2022/0041 |
Cancelada Mosquera, S.C. |
3.465,50 |
22.6.2022 |
CO/2022/0055 |
Bascoy Sánchez, José Manuel y Otro, S.C. |
3.035,30 |
22.6.2022 |
LU/2022/0103 |
Requeijo Chao, S.C. |
3.120,00 |
25.5.2022 |
LU/2022/0143 |
González Rodríguez, José Iván |
3.703,70 |
30.5.2022 |
LU/2022/0178 |
Xestoselo, S.C. |
3.357,90 |
25.5.2022 |
LU/2022/0412 |
Jartín Salgado, María Elva |
4.197,52 |
21.10.2022 |
PO/2022/0056 |
Alonso Rodríguez, Avelino |
3.357,90 |
9.12.2022 |