Mediante a Resolución do Valedor do Pobo do 9 de decembro de 2022 aprobouse a convocatoria pública para a provisión, polo sistema de libre designación, do posto de traballo de administrativo/a de secretaría da Valedoría do Pobo. A convocatoria foi publicada no Boletín Oficial do Parlamento de Galicia número 423, e no Diario Oficial de Galicia número 239, ambos do 19 de decembro de 2022.

Finalizada a tramitación do procedemento correspondente, e en exercicio das funcións que me atribúe a Lei 6/1984, do 5 de xuño, do Valedor do Pobo, e o artigo 7.l) do Regulamento de organización e funcionamento da institución,

RESOLVO:

Nomear a Agustina de la Cruz da Rocha no posto de administrativo/a de secretaría da Valedoría do Pobo.

Contra esta resolución, que pon fin á vía administrativa, poderase interpor recurso potestativo de reposición ante a valedora do pobo, no prazo dun mes, contado desde o día seguinte ao da publicación desta resolución no Diario Oficial de Galicia, ou directamente recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses, contados desde a mesma data.

Santiago de Compostela, 12 de abril de 2023

María Dolores Fernández Galiño
Valedora do Pobo