Convocado pola Resolución desta xerencia do 22 de setembro de 2022 (DOG núm. 189, do 4 de outubro) procedemento de concurso de méritos e defensa pública dun proxecto técnico relacionado coa xestión da unidade para a provisión dun posto de supervisor/a da Unidade de UCI-Reanimación e outro posto de supervisor/a da Unidade de Urxencias do Hospital Público da Mariña, e de conformidade co establecido no Decreto 206/2005, do 22 de xullo, de provisión de prazas de persoal estatutario do Servizo Galego de Saúde (DOG núm. 145, do 29 de xullo), e na Orde da Consellería de Sanidade do 24 de maio de 2006 pola que se establecen as bases do procedemento para a provisión dos postos de xefatura e coordinación das institucións sanitarias do Servizo Galego de Saúde (DOG núm. 106, do 5 de xuño), e en virtude das competencias atribuídas polo Decreto 137/2019, do 10 de outubro, polo que se establece a estrutura orgánica do Servizo Galego de Saúde (DOG núm. 208, do 31 de outubro), no Decreto 134/2019, do 10 de outubro, polo que se regulan as áreas sanitarias e os distritos sanitarios do Sistema público de saúde de Galicia (DOG núm. 204, do 25 de outubro), así como na Orde do 22 de abril de 2020 de delegación de competencias en órganos centrais e periféricos da Consellería de Sanidade e do Servizo Galego de Saúde e na Axencia Galega para a Xestión do Coñecemento en Saúde (DOG núm. 82, do 29 de abril), esta xerencia

DISPÓN:

Primeiro. Resolver a convocatoria pública para a provisión, polo sistema de concurso de méritos, dos postos de supervisor/a de unidade convocados mediante a Resolución do 22 de setembro de 2022 (DOG núm. 189, do 4 de outubro).

Segundo. Nomear, para os postos que se indican, as persoas relacionadas no anexo desta resolución.

Terceiro. De conformidade coa base décima da convocatoria, as persoas candidatas nomeadas serán avaliadas, antes de que transcorran catro anos desde o seu nomeamento, para os efectos de prorrogar o desempeño da xefatura, por idéntico período de tempo, ou proceder á súa remoción.

Cuarto. O réxime de cesamento na praza de orixe e da toma de posesión da praza adxudicada será o establecido no artigo 27 da Orde do 24 de maio de 2006 pola que se establecen as bases do procedemento para a provisión dos postos de xefatura e coordinación das institucións sanitarias do Servizo Galego de Saúde.

Quinto. Contra esta resolución poderase interpor, nos termos previstos nos artigos 121 e 122 da Lei 39/2015, do 1 de outubro, do procedemento administrativo común das administracións públicas, recurso de alzada perante a Dirección Xeral de Recursos Humanos do Servizo Galego de Saúde, non prazo dun mes contado desde o día seguinte ao da súa publicación.

Lugo, 5 de abril de 2023

Ramón Ares Rico
Xerente da Área Sanitaria de Lugo, A Mariña e Monforte de Lemos

ANEXO

Posto de traballo: supervisor/a de Unidade (UCI-Reanimación).

Nome e apelidos: María Ariadna Díaz Lage.

DNI: ***9745**.

Posto de traballo: supervisor/a de Unidade (Urxencias).

Nome e apelidos: Rosa María Fernández Armesto.

DNI: ***9415**(*).

(*) Ocúltase parcialmente o número do documento nacional de identidade para preservar os datos de carácter persoal, de acordo coa Lei orgánica 3/2018, do 15 de decembro, de protección de datos persoais e garantía dos dereitos dixitais.