De conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, procédese a dar publicidade á parte substantiva dos acordos da Xefatura Territorial da Consellería de Cultura, Educación, Formación Profesional e Universidades de Lugo.
Primeiro. Iniciar o procedemento de reintegro das bolsas concedidas identificadas no anexo da presente resolución.
Segundo. Poñer á disposición dos interesados os expedientes para que, conforme o previsto no artigo 82 da Lei 39/2015, do 1 de outubro, do procedemento común das administracións públicas (BOE do 2 de outubro), no prazo de 10 días, contados a partir do seguinte ao da publicación da presente resolución no Boletín Oficial del Estado (BOE), aleguen e presenten os documentos e xustificacións que consideren pertinentes ante a Sección de Bolsas da Xefatura Territorial da Consellería de Cultura, Educación, Formación Profesional e Universidades, situada na rolda da Muralla, nº 70, 27071 Lugo (982 29 49 57/ 982 29 41 88/89).
Transcorrido este prazo, a Dirección Xeral de Formación e Orientación Universitaria do Ministerio de Educación e Formación Profesional, se é o caso, ditará a resolución que determine tanto a procedencia do reintegro como a liquidación dos xuros de demora correspondentes desde o momento do pagamento da bolsa.
Con todo, no caso de que o/a interesado/a estea conforme coa obrigación do reintegro, poderá facelo efectivo en calquera banco ou caixa de aforros, facendo uso dos documentos habilitados para o efecto, e darase así por concluído o expediente.
Lugo, 5 de abril de 2023
María José Gómez Rodríguez
Xefa territorial de Lugo
ANEXO
Convocatoria xeral para estudos posobligatorios
Interesado/a:
NIF: 34298908C.
Importe: 260,00 €.
Curso: 2019/20.
Causa: 1.1. Causar baixa no centro para o cal se lle concedeu a bolsa.
Convocatoria de axudas para alumnos
con necesidade específica de apoio educativo
Interesado/a:
NIF: 34299130N.
Importe: 1.826,00 €.
Curso: 2019/20.
Causa: 7.34. Non destinar a axuda concedida no citado curso académico á finalidade para a cal se lle concedeu ao non xustificar o aboamento dos servizos de reeducación pedagóxica e reeducación da linguaxe.
