Retegal é unha sociedade mercantil pública autonómica, pertencente ao sector público autonómico e adscrita á Axencia para a Modernización Tecnolóxica de Galicia, de conformidade co Decreto 252/2011, do 15 de decembro, modificado polo Decreto 9/2021, do 21 de xaneiro, polo que se suprime o Centro Informático para a Xestión Tributaria, Económico-Financeira e Contable (Cixtec).
O 21 de marzo de 2023, o Consello de Administración acordou iniciar o proceso de selección para o posto de director/a de calidade, prevención e ambiente de Retegal.
En execución do dito acordo, mediante este anuncio convócase unha praza de director/a de calidade, prevención e ambiente, en réxime de persoal laboral de alta dirección, para a prestación de servizos coa devandita cualificación na citada entidade.
As bases e condicións atópanse na web da entidade solicitante http://www.retegal.es e no seu taboleiro de anuncios.
Santiago de Compostela, 25 de abril de 2023
Julián Cerviño Iglesia
Presidente do Consello de Administración de Retegal