Mediante a Orde do 30 de marzo de 2023 (Diario Oficial de Galicia número 73, do 17 de abril) establecéronse as bases reguladoras e convocouse o procedemento para adxudicar o uso de instalacións xuvenís dependentes da Consellería de Política Social e Xuventude para a realización de programas de lecer educativo e tempo libre durante a Campaña de verán 2023 para colectivos xuvenís, nos termos establecidos na orde e coa distribución de prazas recollida no anexo I desta.
De conformidade co disposto no artigo 9.5 da dita orde de convocatoria, o órgano competente para resolver é a Dirección Xeral de Xuventude, Participación e Voluntariado, por delegación da persoa titular da Consellería de Política Social e Xuventude.
Así mesmo, o artigo 10 da citada orde establece que se publicarán no Diario Oficial de Galicia (DOG), de conformidade co previsto no artigo 45 da Lei 39/2015, do 1 de outubro, do procedemento administrativo común das administracións públicas, os actos administrativos e as correspondentes resolucións deste procedemento. Esta publicación producirá os efectos de notificación.
Tras a instrución do procedemento, o 9 de maio de 2023 o órgano competente emite a resolución que finaliza o procedemento de adxudicación do uso de instalacións xuvenís dependentes da Consellería de Política Social e Xuventude para a realización de programas de lecer educativo e tempo libre durante a Campaña de verán 2023.
Polo exposto,
RESOLVO:
Primeiro. Ordenar a publicación no Diario Oficial de Galicia do contido íntegro da Resolución do 9 de maio de 2023, ditada no procedemento BS304A, relativa á adxudicación do uso de instalacións xuvenís ao abeiro da Orde do 30 de marzo de 2023 pola que se convoca o procedemento para a concesión do uso de instalacións xuvenís para a realización de programas de lecer educativo e tempo libre durante a Campaña de verán 2023 para colectivos xuvenís (código de procedemento BS304A), que se xunta como anexo desta resolución.
Segundo. Comunicar que a Resolución do 9 de maio de 2023 que finaliza este procedemento esgota a vía administrativa e contra ela pode interpoñerse recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, de conformidade co disposto no artigo 46 da Lei 29/1988, do 13 de xullo, reguladora da xurisdición contencioso-administrativa, no prazo de dous meses contados a partir do día seguinte ao da súa notificación a través desta publicación no Diario Oficial de Galicia.
Non obstante, poderá interpoñerse potestativamente recurso de reposición, ante o mesmo órgano que a ditou, no prazo dun mes contado a partir do día seguinte ao da súa notificación a través desta publicación no Diario Oficial de Galicia, de acordo co establecido nos artigos 123 e 124 da Lei 39/2015, do 1 de outubro, do procedemento administrativo común das administracións públicas.
Santiago de Compostela, 10 de maio de 2023
Cristina Pichel Toimil
Directora xeral de Xuventude, Participación e Voluntariado
ANEXO
Resolución do 9 de maio de 2023, ditada no procedemento BS304A,
relativa á adxudicación do uso de instalacións xuvenís ao abeiro
da Orde do 30 de marzo de 2023 pola que se convoca o procedemento
para a concesión do uso de instalacións xuvenís para a realización
de programas de lecer educativo e tempo libre durante a Campaña
de verán 2023 para colectivos xuvenís (código de procedemento BS304A)
Mediante a Orde do 30 de marzo de 2023 (Diario Oficial de Galicia núm. 73, do 17 de abril) establecéronse as bases reguladoras e convocouse o procedemento para adxudicar o uso de instalacións xuvenís dependentes da Consellería de Política Social e Xuventude para a realización de programas de lecer educativo e tempo libre durante a Campaña de verán 2023 para colectivos xuvenís, nos termos establecidos na orde e coa distribución de prazas recollida no anexo I desta.
Unha vez comprobadas as solicitudes polo Instituto da Xuventude de Galicia, órgano instrutor do procedemento, a Comisión de Valoración prevista no artigo 9 avaliou as solicitudes admitidas a trámite de acordo cos criterios de adxudicación que se recollen no artigo 8.
Á vista do expediente e do informe da Comisión de Valoración, o órgano instrutor formulou a proposta de resolución conforme o regulado no artigo 9.
Esta Dirección Xeral de Xuventude, Participación e Voluntariado é competente para resolver, por delegación da conselleira de Política Social e Xuventude, segundo o disposto no artigo 9.5.
Con base no exposto,
RESOLVO:
Primeiro. Adxudicar o uso temporal de instalacións xuvenís dependentes da Consellería de Política Social e Xuventude para a realización de programas de lecer educativo e tempo libre durante a Campaña de verán 2023 para colectivos xuvenís, ás entidades relacionadas no anexo I, nos termos que se expoñen na devandita relación.
Segundo. Denegar o uso de instalacións xuvenís dependentes da Consellería de Política Social e Xuventude para a realización de programas de lecer educativo e tempo libre durante a Campaña de verán 2023 para colectivos xuvenís, ás entidades relacionadas no anexo II, por aplicación dos criterios de preferencia e prioridade recollidos no artigo 8.
Terceiro. As entidades adxudicatarias deberán cumprir as obrigas previstas nos artigos 12, 14 e 15 da Orde do 30 de marzo de 2023.
A documentación indicada nos citados artigos deberá presentarse electronicamente e dirixirse ao Servizo de Xuventude e Voluntariado da Xefatura Territorial da Consellería de Política Social e Xuventude correspondente á provincia en que estea a instalación adxudicada, conforme o sinalado nos artigos 7, 12 e 14 da orde.
Se, transcorridos os prazos que se indican nos citados artigos, non se cumpren as obrigas correspondentes, logo do trámite de audiencia da entidade interesada, declararase a perda do dereito á instalación adxudicada, a través da oportuna resolución que será ditada nos termos do artigo 21 da Lei 39/2015, do 1 de outubro, do procedemento administrativo común das administracións públicas.
Cuarto. Esta resolución esgota a vía administrativa e contra ela pode interpoñerse recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, de conformidade co disposto no artigo 46 da Lei 29/1988, do 13 de xullo, reguladora da xurisdición contencioso-administrativa, no prazo de dous meses que comezará a contar desde o día seguinte ao da súa publicación no Diario Oficial de Galicia.
Non obstante, poderá interpoñerse potestativamente recurso de reposición, ante o mesmo órgano que a ditou, no prazo dun mes, que comezará a contar a partir do día seguinte ao da súa publicación no Diario Oficial de Galicia, de acordo co establecido nos artigos 123 e 124 da Lei 39/2015, do 1 de outubro.
Quinto. A publicación desta resolución producirá os efectos de notificación, nos termos establecidos no artigo 10 da Orde do 30 de marzo de 2023 e no artigo 45 da Lei 39/2015, do 1 de outubro.
Santiago de Compostela, 9 de maio de 2023. A conselleira de Política Social e Xuventude. P.D. (Artigo 9 da Orde do 30.3.2023), Cristina Pichel Toimil, directora xeral de Xuventude, Participación e Voluntariado.
ANEXO I
Procedemento BS304A
Entidades adxudicatarias:
Expediente |
Entidade adxudicataria |
Localidade |
Instalación adxudicada |
Datas |
Prazas |
2023/12 |
Asociación cultural Escola de Música de Rianxo |
Rianxo (A Coruña) |
A.X. Marina Española |
26.6-28.6 |
90 |
2023/19 |
Asociación cultural, deportiva e xuvenil Acuxuve |
Vedra ( A Coruña) |
A.X. Marina Española |
4-7.9 |
70 |
2023/11 |
Asociación cultural Xeración |
Ferrol (A Coruña) |
A.X. Marina Española |
1-10.9 |
20 |
2023/24 |
Escola de Tempo Libre Arenaria |
Padrón (A Coruña) |
C.X. Virxe de Loreto |
26.8-2.9 |
34 |
2023/4 |
Concello de Negreira |
Negreira (A Coruña) |
C.X. Virxe de Loreto |
26.8-4.9 |
50 |
2023/13 |
Concello da Baña |
A Baña (A Coruña) |
C.X. Virxe de Loreto |
26.8-4.9 |
25 |
2023/22 |
Concello de Barbadás |
Barbadás (Ourense) |
C.X. Espiñeira |
30.8-1.9 |
40 |
2023/2 |
Concello de Touro |
Touro (A Coruña) |
C.X. Espiñeira |
26.8-4.9 |
30 |
2023/5 |
Concello de San Cibrao das Viñas |
San Cibrao das Viñas (Ourense) |
A.X. Area |
21-29.6 |
100 |
2023/15 |
Concello de Viana do Bolo |
Viana do Bolo (Ourense) |
C.X. A Devesa |
26.8-1.9 |
80 |
2023/8 |
Concello da Estrada |
A Estrada (Pontevedra) |
C.X. A Devesa |
26.8-4.9 |
40 |
2023/25 |
Federación Galega de Piragüismo Pontevedra |
Pontevedra (Pontevedra) |
C.X. Entrimo |
26.8-4.9 |
46 |
2023/6 |
Asociación cultural e xuvenil Muíños |
Boqueixón (A Coruña) |
A.X. As Sinas |
22-29.6 |
120 |
2023/3 |
Asociación solidaria en actividades de lecer e tempo libre Mar de Touro |
Ribeira (A Coruña) |
C.X. Pontemaril |
26.8-31.8 |
59 |
2023/28 |
Organización Juvenil Española |
A Coruña (A Coruña) |
C.X. Illa de Ons |
21.8-28.8 |
40 |
ANEXO II
Procedemento BS304A
Entidades non adxudicatarias:
Expediente |
Entidades non adxudicatarias |
Motivo |
2023/07 |
Asociación Cultural Os Tres Reinos |
Aplicación dos criterios de preferencia e prioridade regulados no artigo 8 da orde. |
2023/17 |
Asociación Banda de Música Cultural de Teo |
Aplicación dos criterios de preferencia e prioridade regulados no artigo 8 da orde. |
2023/18 |
Concello de Boqueixón |
Aplicación dos criterios de preferencia e prioridade regulados no artigo 8 da orde. |
2023/20 |
Concello de Bergondo |
Aplicación dos criterios de preferencia e prioridade regulados no artigo 8 da orde. |
2023/21 |
Urban Cross Culture |
Aplicación dos criterios de preferencia e prioridade regulados no artigo 8 da orde. |
2023/23 |
Fondo Galego de Cooperación e Solidariedade |
Aplicación dos criterios de preferencia e prioridade regulados no artigo 8 da orde. |
2023/26 |
Asociación Galega de Familias de Acollida Acougo |
Aplicación dos criterios de preferencia e prioridade regulados no artigo 8 da orde. |