No BOP de Ourense do día 9 de maio de 2023 publicáronse íntegras as bases da convocatoria, mediante concurso específico, para a provisión de diversos postos de traballo da RPT da Deputación Provincial de Ourense.
Os postos que se convocan son os seguintes:
– Un posto de xefe/a do Servizo de Intervención (Área de Facenda-Servizo de Intervención).
– Un posto de xefe/a do Gabinete de Asesoría Xurídica e Asistencia a Municipios (Área de Administración Xeral-Gabinete de Asesoría Xurídica e Asistencia a Municipios).
O prazo de presentación das solicitudes será de quince (15) días naturais, contados a partir do seguinte ao da publicación no Boletín Oficial del Estado do anuncio da convocatoria, no modelo normalizado que figura como anexo nas bases da convocatoria e que estará dispoñible na páxina web www.depourense.es, na sección de ofertas de emprego. As modalidades de presentación serán as seguintes:
a) De forma presencial, mediante a presentación en papel da solicitude e da documentación anexa na Oficina de Asistencia ao Cidadán en materia de rexistro da Deputación Provincial de Ourense ou en calquera dos lugares que determina o artigo 16.4 da Lei 39/2015, do 1 de outubro, do procedemento administrativo común das administracións públicas. Neste último caso, solicítase que se envíe copia da instancia ao enderezo electrónico: persoal@depourense.es
b) De forma telemática, a través do Rexistro Electrónico Xeral da sede electrónica da deputación provincial, no enderezo https://sede.depourense.es
Os sucesivos anuncios relativos a esta convocatoria publicaranse exclusivamente na sede electrónica da deputación provincial, na páxina web www.depourense.es e no BOP de Ourense, cando proceda, de conformidade coas bases do procedemento.
Ourense, 15 de maio de 2023
José Manuel Baltar Blanco
Presidente da Deputación Provincial de Ourense