Para os efectos previstos na Lei 24/2013, do 26 de decembro, do sector eléctrico (BOE núm. 310, do 27 de decembro), e no título VII do Real decreto 1955/2000, do 1 de decembro (BOE núm. 310, do 27 de decembro) polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a declaración de utilidade pública, en concreto, da seguinte instalación eléctrica.

Denominación: regulamentación LMT TC BCR803/BCR804/BCR805 apoios T3, T4 e T5.

Solicitante: UFD Distribución Electricidad, S.A.

Domicilio social: avenida de América, 38, 28028 Madrid.

Características técnicas principais:

– LMT aérea a 20 kV, formada por tres circuítos, con orixe no apoio T1 existente tipo C-16/9000 e final no apoio T7 existente tipo HV-2-14/3A, cunha lonxitude de 507 metros de condutor tipo LA-110, tensado sobre tres novos apoios de celosía.

– LMT aérea a 20 kV, con orixe no apoio T4 proxectado tipo C-18-4500 e final no CT estación de servizo, cunha lonxitude de 31 metros en condutor tipo LA-56.

– LMT soterrada a 20 kV, con orixe nun paso aéreo a soterrado, situado no apoio proxectado T5 tipo C-18/4500 e final nun empalme proxectado coa LMTS BCR805 que alimenta o CT parque empresarial, cunha lonxitude de 19 metros en condutor RHZ1-150 mm.

A declaración de utilidade pública, segundo o sinalado no artigo 56 da citada lei 24/2013, levará implícita, en todo caso, a necesidade de ocupación dos bens ou de adquisición dos dereitos afectados e implicará a urxente ocupación para os efectos do artigo 52 da Lei do 16 de decembro de 1954, de expropiación forzosa (BOE núm. 351, do 17 de decembro).

A relación concreta e individualizada de bens e dereitos afectados que se consideran de necesaria ocupación figuran no anexo que se insire xunto con este acordo.

Aquelas persoas ou entidades que se consideren afectadas poderán presentar as súas alegacións referidas ás posibles limitacións á constitución da servidume de paso de liñas eléctricas (artigo 144 do Real decreto 1955/2000) e aqueloutras que consideren oportunas no prazo de trinta días contados desde o día seguinte ao da última publicación ou ao da notificación individual.

A documentación estará á disposición das persoas interesadas nas dependencias da sección de Enerxía desta xefatura territorial de Lugo da Vicepresidencia Primeira e Consellería de Economía, Industria e Innovación (rolda da Muralla, núm. 70, baixo 2º, 27071 Lugo, das 9.00 ás 14.00 horas, de luns a venres, con cita previa no correo electrónico enerxia.lugo@xunta.gal ou no teléfono 982 29 46 76), así como no Concello de Becerreá. Ademais, tamén se poderá consultar no portal web da Vicepresidencia Primeira e Consellería de Economía,Industria e Innovación a través da seguinte ligazón:

https://economia.xunta.gal/transparencia/instalacions-electricas/becerrea

Ata o mesmo momento do levantamento das actas previas, os interesados poderán facer alegacións por escrito para os únicos efectos de corrixir posibles erros que se atopen ao relacionar os bens e dereitos afectados segundo dispón o artigo 56.2 do Regulamento da Lei de expropiación forzosa (BOE núm. 160, do 27 de xuño)

Esta publicación realízase igualmente para os efectos do artigo 44 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro) cando os titulares dos predios propostos sexan descoñecidos, non se saiba o lugar de notificación, ou ben, intentada a notificación, non se puidese realizar e así dirixirlle ao Ministerio Fiscal as dilixencias que se produzan de conformidade co artigo 5 da Lei de expropiación forzosa, do 16 de decembro de 1954.

Lugo, 17 de abril de 2023

Gustavo José Casasola de Cabo
Xefe territorial de Lugo

ANEXO

Nº de predio	Propietario	Parcela			Afección
	Nome e apelidos	Datos catastrais	Lugar	Cultivo	Apoio
		Referencia catastral			Nº	Superficie (m²)
1	Ana Mª Vilariño Real/Ana Isabel Gómez Vilariño	1061817PH541650001LK	Avenida Madrid, 144	Urbano	T3	2.0