Conforme os fins que lle asigna á Academia Galega de Seguridade Pública (Agasp) a normativa que a regula (Lei 1/2007, do 15 de xaneiro, da Academia Galega de Seguridade Pública),
RESOLVO:
Convocar a xornada A Lei orgánica 10/2022, do 6 de setembro, de garantía integral da liberdade sexual, de acordo coas bases que se indican a seguir:
Primeira. Obxectivos
A Lei orgánica 10/2022, de garantía integral da liberdade sexual, e a súa recente modificación, cuxa finalidade é a protección integral do dereito á liberdade sexual de todas as persoas, así como a erradicación de todas as violencias sexuais, introduce importantes novidades e modificacións lexislativas, que fan necesaria unha análise profunda dela desde o punto de vista operativo e práctico.
Segunda. Contidos
– Análise da Lei orgánica 10/2022, do 6 de setembro, de garantía integral da liberdade sexual.
– Agresión sexual desde a entrada en vigor da Lei.
– Agresión sexual menores de 16 anos desde a entrada en vigor da Lei.
– Disposicións comúns e novos tipos delituosos.
Terceira. Persoas destinatarias
A xornada esta dirixida ao persoal das frorzas e corpos de seguridade, Xudicatura, Ministerio Fiscal, aos/ás xuristas, profesionais e persoas interesadas en xeral.
Cuarta. Desenvolvemento
Lugar: Academia Galega de Seguridade Pública (Agasp), na rúa da Cultura, s/n,36680 A Estrada.
Data: 12 de xuño de 2023.
Horario: das 10.00 ás 14.30.
Duración: 4.5 horas.
Prazas ofertadas: sen límite.
Quinta. Solicitudes de participación
1. O persoal que desexe participar no curso convocado nesta resolución deberá cubrir o formulario de matrícula telemática dispoñible na páxina web da Agasp https://agasp.xunta.gal/gl/course/231145
Non se admitirá ningunha outra forma ou modelo de solicitude.
2. A falsidade ou ocultación de datos esenciais para a selección das persoas aspirantes dará lugar á exclusión automática do curso solicitado, así como á imposibilidade de participar en ningún outro curso durante o prazo dun ano contado desde o momento en que se detecte o feito.
3. É obrigatorio consignar no formulario de solicitude un número de teléfono móbil e un correo electrónico co fin de poder realizar as notificacións necesarias.
4. Serán excluídas automaticamente aquelas solicitudes que non teñan cubertos correctamente os datos necesarios para realizar o proceso selectivo do alumnado, que non se axusten ao formulario de solicitude ou que sexan presentadas fóra de prazo.
5. Prazo para a presentación de solicitudes
O prazo de inscrición e presentación de solicitudes de participación rematará o día 9 de xuño de 2023.
A Agasp publicará diariamente a listaxe de persoas admitidas desde o día 1 de xuño de 2023 no sitio web: agasp.xunta.gal
Sexta. Comprobación de datos
1. Para a tramitación do procedemento consultaranse os datos das persoas interesadas, necesarios para realizar o proceso de selección desta actividade formativa.
2. A presentación das solicitudes comportará a autorización da persoa solicitante ao órgano xestor para pedir as certificacións necesarias para realizar a selección de acordo cos criterios da Agasp.
3. No caso de que as persoas interesadas se opoñan a esta consulta, deberán enviar un correo electrónico a formacion.agasp@xunta.gal, coa indicación expresa a este respecto, no cal deberán achegar a documentación que acredite a Administración a que pertenzan, a súa situación administrativa e o tipo de persoal.
Sétima. Obrigas das persoas admitidas
As persoas que resulten seleccionadas teñen a obriga de participar no desenvolvemento da actividade, agás que comuniquen a súa imposibilidade de asistencia con 48 horas, como mínimo, de antelación ao comezo desta. Esta renuncia deberase comunicar por escrito á Agasp a través do correo electrónico ao enderezo formacion.agasp@xunta.gal
En caso contrario, serán excluídas automaticamente da selección para as dez seguintes actividades que se convoquen para as cales reúnan os requisitos exixidos de participación (artigos 18 e 21 do Regulamento de réxime interior da Agasp).
Oitava. Dereitos e deberes das persoas participantes
Serán obrigatorias a asistencia á sesión da xornada e a puntualidade.
Durante a realización da xornada, realizaranse controis de asistencia.
Novena. Facultades da Agasp
1. A Academia Galega de Seguridade Pública poderá modificar o desenvolvemento normal da actividade para adaptala ás necesidades da Administración e ás continxencias que poidan xurdir, e terá como a facultade de cancelala se o escaso número de solicitudes non xustifica a súa realización, caso en que se empregarán os medios de notificación ás persoas interesadas, previstos na normativa vixente.
2. A Agasp garantirá, na acción derivada desta convocatoria, a promoción da igualdade real e efectiva entre mulleres e homes, a eliminación de calquera tipo de discriminación e o fomento dos dereitos de conciliación.
Décima. Certificado de asistencia
Ao final desta actividade emitiráselles un certificado electrónico de asistencia, descargable desde o espazo persoal do alumnado (https://agasp.xunta.gal/gl/usuario), a aquelas persoas inscritas que participasen e sempre que a súa asistencia for igual ou superior ao 90 % das horas lectivas programadas. Este documento estará asinado electronicamente pola EGAP e incluirá, de forma expresa, o contido, a carga lectiva, a data e o lugar de realización da actividade, así como un código de verificación electrónica (CVE) para contrastar a súa autenticidade.
A Estrada, 18 de maio de 2023
Santiago Villanueva Álvarez
Director da Academia Galega de Seguridade Pública