Mediante Resolución do 14 de xuño de 2021 (DOG do 25 de xuño) fíxose pública a composición dos consellos sociais das universidades do Sistema universitario de Galicia.
A Lei 6/2013, do 13 de xuño, do Sistema universitario de Galicia, establece que o Consello Social estará integrado por un máximo de trinta e unha persoas membros.
O artigo 77.2 da citada Lei 6/2013 establece que son membros natos do consello social o/a reitor/a da universidade, o/a secretario/a xeral e o/a xerente da universidade. Así mesmo, serán membros un profesor ou unha profesora, un ou unha estudante e un ou unha representante do persoal da administración de servizos, elixidos/as polo consello de goberno das universidades.
A condición de persoa membro do consello social adquírese unha vez cumpridos os requisitos de designación, nomeamento e publicación no Diario Oficial de Galicia, e produce efectos a partir desa data.
O Consello Social da Universidade de Vigo remite a Resolución reitoral do 11 de maio de 2023 pola que se nomea a María José Bravo Bosch como secretaria xeral da dita universidade en substitución de Miguel Ángel Michinel Álvarez.
O artigo 77.4 da Lei 6/2013, do 13 de xuño, establece que os acordos de designación de membros do consello social seranlle comunicados á persoa titular da consellería competente en materia de universidades, quen procederá ao seu nomeamento mediante orde da súa consellería.
Por todo iso,
DISPOÑO:
Artigo único
Nomear como membro nato do Consello Social da Universidade de Vigo a María José Bravo Bosch, secretaria xeral da Universidade de Vigo, en substitución de Miguel Ángel Michinel Álvarez.
Disposición derradeira
Esta orde entrará en vigor o mesmo día da súa publicación no Diario Oficial de Galicia.
Santiago de Compostela, 25 de maio de 2023
Román Rodríguez González
Conselleiro de Cultura, Educación,
Formación Profesional e Universidades