A Dirección Xeral de Recursos Económicos, como órgano de contratación, vista a documentación do Plan de innovación sanitaria Precisaúde,

RESOLVE:

Primeiro. Aprobar os seguintes documentos que integran a convocatoria á consulta preliminar ao mercado, conforme o artigo 115 da Lei 9/2017, do 8 de novembro, de contratos do sector público, no marco do Plan de innovación sanitaria Precisaúde, nos cales se establecen as condicións que deben rexer o dito procedemento:

• Bases da convocatoria.

• Anexo I. Descrición de necesidades non cubertas.

• Anexo II. Formulario para o envío de propostas.

• Anexo III. Declaracións asociadas ao anexo II.

• Anexo IV. Formulario para a identificación de capacidades e colaboracións.

Segundo. Dispoñer a apertura da consulta preliminar do mercado no marco do Plan de innovación sanitaria Precisaúde.

Terceiro. Ordenar a publicación desta resolución no perfil do contratante do Servizo Galego de Saúde.

Santiago de Compostela, 13 de xuño de 2023

María Jesús Piñeiro Bello
Directora xeral de Recursos Económicos