En liña coa decidida aposta da Escola Galega de Administración Pública (EGAP) polo uso de modernas modalidades de formación e metodoloxías de ensino, esta convocatoria supón a consolidación do Programa de autoformación, programa iniciado no ano 2013 e que, verificada a súa ampla aceptación entre as persoas destinatarias, este ano renova os seus contidos formativos para incluír novos temas de interese.

A autoformación oriéntase cara á adquisición de coñecementos e habilidades de xeito autónomo, pois a persoa participante asume un papel activo no proceso de aprendizaxe a través do emprego das tecnoloxías da información e da comunicación. Ao mesmo tempo, esta modalidade permite achegar as actividades da Escola a un maior número de persoas ao servizo da Administración, especialmente a aquelas que, por barreiras xeográficas ou razóns de conciliación, non poden optar pola modalidade presencial. Ademais, con este programa procúrase unha maior independencia do alumnado para elaborar o seu propio plan de aprendizaxe, sen o condicionamento dos prazos.

Polo demais, o programa de autoformación continúa efectuando unha oferta formativa conxunta e, en tal sentido, diríxese a todo o persoal ao servizo das diferentes administracións da Comunidade Autónoma, mediante a oferta dun amplo abano de cursos relativos a diferentes áreas formativas que facilitan a capacitación para o desenvolvemento eficiente de calquera posto de traballo.

As persoas que desexen participar no programa de autoformación dispoñen de dúas opcións, compatibles entre elas pero independentes unha da outra: por unha banda poden acceder aos contidos das actividades sen máis trámite que o de inscribírense na zona de matrícula da EGAP, tal e como se prevé no anexo I. Por outra banda, poden solicitar presentarse ás probas de avaliación reguladas no anexo II que lles ofrecen a posibilidade de acreditar a súa competencia mediante a obtención dun certificado de equivalencia.

Cómpre ter en conta que o acceso aos contidos non implica a obriga de presentarse ás probas de avaliación, nin é tampouco un requisito para matricularse nelas, pero só as persoas que se matriculen nestas probas e as superen teñen dereito a obter un certificado de equivalencia, que ten o mesmo valor que un de aproveitamento. En concreto, as probas de avaliación superadas nesta modalidade de formación valoraranse conforme o que establezan as bases dos procesos que convoque, no seu día, a Dirección Xeral da Función Pública.

Por todo o exposto, e en execución do Plan de formación 2023 da EGAP,

RESOLVO:

Convocar as actividades do programa de autoformación que figuran nesta resolución, que deberán desenvolverse segundo as bases detalladas nos anexos I e II.

Santiago de Compostela, 9 de xuño de 2023

Sonia Rodríguez-Campos González
Directora da Escola Galega de Administración Pública

ANEXO I

Contidos das actividades do programa de autoformación

Bases

Primeira. As actividades

1. As actividades do programa de autoformación son as seguintes:

ANEXO I

Código	Curso	Horas	Prazas
AF23001	A calidade da redacción administrativa. Técnicas para unha boa redacción dos documentos administrativos	20	200
AF23002	A educación emocional como ferramenta para promover a igualdade	20	200
AF23003	A protección do menor ante os medios de comunicación	30	200
AF23004	A responsabilidade patrimonial da Administración pública	30	200
AF23005	A transformación e evolución do emprego público desde a Lei 2/2015	20	200
AF23006	A xurisdición contencioso-administrativa	25	200
AF23007	Acción exterior das administracións públicas galegas: Lei 10/2021, do 9 de marzo, reguladora da acción exterior e da cooperación para o desenvolvemento de Galicia	30	200
AF23008	Aplicacións informáticas de bases de datos relacionais (LibreOffice Base)	50	200
AF23009	Aplicacións informáticas de bases de datos relacionais (Microsoft Office 2019)	50	200
AF23010	Aplicacións informáticas de follas de cálculo (LibreOffice Calc)	50	200
AF23011	Aplicacións informáticas de follas de cálculo (Microsoft Office 2019)	50	200
AF23012	Aplicacións informáticas de tratamento de textos (LibreOffice Writer)	30	200
AF23013	Aplicacións informáticas de tratamento de textos (Microsoft Office 2019)	30	200
AF23014	Aplicacións informáticas para presentacións gráficas de información (LibreOffice Impress)	30	200
AF23015	Aplicacións informáticas para presentacións gráficas de información (Microsoft Office 2019)	30	200
AF23016	Aproximación á violencia de xénero	30	200
AF23017	Básico de protocolo e organización de eventos	20	200
AF23018	Básico de subvencións e normativa aplicable	30	200
AF23019	Básico en igualdade e prevención e loita contra a violencia de xénero	20	200
AF23020	Básico en prevención de riscos laborais	50	200
AF23021	Cambio e motivación nas organizacións	15	200
AF23022	Contratación estratéxica	35	200
AF23023	Correo electrónico corporativo	12	200
AF23024	Decreto lexislativo 1/1999, do 7 de outubro, polo que se aproba o texto refundido da Lei de réxime financeiro e orzamentario de Galicia	20	200
AF23025	Diagnóstico do clima organizacional. A optimización do recurso humano	30	200
AF23026	Dixitalización de documentos	25	200
AF23027	Formación básica en igualdade de xénero nas administracións públicas	20	200
AF23028	Formación básica para a sensibilización e prevención da violencia de xénero	20	200
AF23029	Incompatibilidades do persoal empregado público de Galicia	18	200
AF23030	Introdución á protección de datos persoais e garantía dos dereitos dixitais	30	200
AF23031	Introdución á Unión Europea e ao seu dereito	24	200
AF23032	Introdución ao dereito da Unión Europea para os xestores públicos	30	200
AF23033	Lei 16/2010, do 17 de decembro, de organización e funcionamento da Administración xeral e do sector público autonómico de Galicia	20	200
AF23034	Lei 39/2015, do 1 de outubro, do procedemento administrativo común das administracións públicas	25	200
AF23035	Lei 4/2019, do 17 de xullo, de administración dixital de Galicia	25	200
AF23036	Lei 40/2015, do 1 de outubro, de réxime xurídico do sector público	25	200
AF23037	Lei 5/2021, do 2 de febreiro, de impulso demográfico de Galicia	25	200
AF23038	Lei 9/2021, do 25 de febreiro, de simplificación administrativa e de apoio á reactivación económica de Galicia	25	200
AF23039	Lei de recuperación da terra agraria de Galicia	25	200
AF23040	Lei xeral de dereitos das persoas con discapacidade e da súa inclusión social	20	200
AF23041	Linguaxe administrativa non sexista e imaxe igualitaria na práctica da xestión pública	30	200
AF23042	Manual de estilo do DOG e outras publicacións institucionais	20	200
AF23043	O exercicio da competencia administrativa na Lei 40/2015, do 1 de outubro	25	200
AF23044	O persoal laboral ao servizo da Xunta de Galicia: V Convenio colectivo único de persoal laboral	20	200
AF23045	Organización e simplificación do traballo administrativo	12	200
AF23046	Os convenios de colaboración: elaboración e tramitación	20	200
AF23047	Prestacións da Seguridade Social e cotizacións	30	200
AF23048	Prevención de riscos laborais en oficinas e despachos	15	200
AF23049	Prevención de riscos psicosociais: o estrés laboral	20	200
AF23050	Prevención e xestión de conflitos	25	200
AF23051	Real decreto lexislativo 5/2015, do 30 de outubro, polo que se aproba o texto refundido da Lei do Estatuto básico do empregado público	25	200
AF23052	Revisión dos actos en vía administrativa	25	200
AF23053	Réxime disciplinario do empregado público de Galicia	15	200
AF23054	Sistema operativo, busca da información: internet/intranet e correo electrónico (GNU/Linux Debian 9)	30	200
AF23055	Sistema operativo, busca da información: internet/intranet e correo electrónico (Windows 10)	30	200
AF23056	Técnicas efectivas para preparar presentacións	20	200
AF23057	Técnicas elementais de arquivos	25	200
AF23058	Técnicas para unha boa redacción dos documentos administrativos	15	200
AF23059	Tramitación de expedientes de contratación na Administración autonómica	30	200
AF23060	Uso avanzado de aplicacións informáticas de follas de cálculo (LibreOffice Calc)	50	200
AF23061	Uso avanzado de aplicacións informáticas de tratamento de textos (LibreOffice Writer)	50	200
AF23062	Xestión de indemnizacións por razón de servizo na Administración autonómica	25	200

2. Cada unha das actividades está composta de contidos multimedia actualizados, material complementario e, debido a que non existe a figura do/da titor/a, cuestionarios de corrección automática, que facilitan unha aprendizaxe autónoma máis efectiva.

Segunda. Acceso aos contidos

1. Todo o persoal destinado nas administracións territoriais, institucionais e entes públicos instrumentais do sector público da Comunidade Autónoma, así como o persoal da Administración de xustiza de Galicia e de administración e servizos (PAS) das tres universidades do Sistema universitario de Galicia (SUG) que reúna os requisitos establecidos nesta convocatoria e, concretamente, na base primeira do anexo II, pode acceder aos contidos das actividades do programa de autoformación, sen pasar por un proceso de selección, inscribíndose na zona de matrícula da EGAP, no enderezo <https://egap.xunta.gal/matricula>.

2. A inscrición para o acceso aos contidos poderá facerse en calquera momento a partir do 1 de xullo de 2023, día seguinte ao da finalización do prazo de matrícula da proba de avaliación das actividades do programa de autoformación.

Poderase acceder aos ditos contidos na aula virtual da EGAP desde a inscrición de acceso ata o 28 de decembro de 2023.

Os/as participantes deberán dispoñer do software que se poida requirir na actividade convocada.

3. Cada persoa determinará libremente o número de actividades en que queira inscribirse e mais o período durante o cal vai traballar na actividade ou actividades do programa de autoformación elixidas.

4. A EGAP adoptará as medidas necesarias para facilitar a inscrición. As dúbidas, as dificultades técnicas e as peticións de información complementaria serán atendidas a través dos números de teléfono 981 54 62 57, 981 54 62 53 y 981 54 63 35 ou no enderezo de correo electrónico <xestion.egap@xunta.gal> en horario de atención ao público (9.00 a 14.00 h).

5. Unha vez inscrita, a persoa recibirá unha mensaxe de correo electrónico de confirmación e despois poderá acceder aos contidos da actividade ou actividades na aula virtual, no enderezo <https://egap.xunta.gal/aulavirtual>.

6. O acceso aos contidos das actividades do programa de autoformación non implica a obriga de presentarse ás probas de avaliación reguladas no anexo II, nin é tampouco un requisito para matricularse nelas.

7. O acceso aos contidos das actividades do programa de autoformación non dá dereito á expedición do certificado regulado na base novena do anexo II.

ANEXO II

As probas de avaliación das actividades do programa de autoformación

Bases

Primeira. Participación nas probas

1. Pode participar nas probas de avaliación das actividades do programa de autoformación o persoal destinado nas administracións territoriais, institucionais e entes públicos instrumentais do sector público da Comunidade Autónoma, así como o persoal da Administración de xustiza de Galicia e de administración e servizos (PAS) das tres universidades do Sistema universitario de Galicia (SUG), que non estea en situación de servizos noutras administracións públicas diferentes das que sexan obxecto desta convocatoria, excedencia voluntaria e suspensión de funcións, e reúna os requisitos establecidos nesta convocatoria e para cada un dos casos neste anexo II. Está exceptuado o persoal docente da Consellería de Cultura, Educación, Formación Profesional e Universidades, o persoal das escalas dos corpos da policía de Galicia e o persoal do Servizo Galego de Saúde, non entendendo por tal, o persoal empregado público da escala de saúde pública e Administración sanitaria creada pola Lei 17/1989, do 23 de outubro, de creación de escalas de persoal sanitario ao servizo da Comunidade Autónoma de Galicia.

Segunda. Prazas convocadas, horas certificadas, datas, lugar e horario

As probas de avaliación das actividades do programa de autoformación desenvolveranse en liña de acordo coa seguinte táboa:

Código	Curso	Horas	Prazas	Data e hora exame
AF23001	A calidade da redacción administrativa. Técnicas para unha boa redacción dos documentos administrativos-Proba de avaliación	20	200	14.11.2023 17.00
AF23002	A educación emocional como ferramenta para promover a igualdade-Proba de avaliación	20	200	18.12.2023 19.30
AF23003	A protección do menor ante os medios de comunicación-Proba de avaliación	30	200	12.12.2023 19.30
AF23004	A responsabilidade patrimonial da Administración pública-Proba de avaliación	30	200	20.12.2023 16.30
AF23005	A transformación e evolución do emprego público desde a Lei 2/2015-Proba de avaliación	20	200	14.11.2023 20.00
AF23006	A xurisdición contencioso-administrativa-Proba de avaliación	25	200	5.12.2023 16.30
AF23007	Acción exterior das administracións públicas galegas: Lei 10/2021, do 9 de marzo, reguladora da acción exterior e da cooperación para o desenvolvemento de Galicia-Proba de avaliación	30	200	4.12.2023 19.30
AF23008	Aplicacións informáticas de bases de datos relacionais (LibreOffice Base)-Proba de avaliación	50	200	13.12.2023 16.30
AF23009	Aplicacións informáticas de bases de datos relacionais (Microsoft Office 2019)-Proba de avaliación	50	200	13.12.2023 17.30
AF23010	Aplicacións informáticas de follas de cálculo (LibreOffice Calc)-Proba de avaliación	50	200	12.12.2023 16.30
AF23011	Aplicacións informáticas de follas de cálculo (Microsoft Office 2019)-Proba de avaliación	50	200	12.12.2023 17.30
AF23012	Aplicacións informáticas de tratamento de textos (LibreOffice Writer)-Proba de avaliación	30	200	11.12.2023 16.30
AF23013	Aplicacións informáticas de tratamento de textos (Microsoft Office 2019)-Proba de avaliación	30	200	11.12.2023 17.30
AF23014	Aplicacións informáticas para presentacións gráficas de información (LibreOffice Impress)-Proba de avaliación	30	200	14.12.2023 16.30
AF23015	Aplicacións informáticas para presentacións gráficas de información (Microsoft Office 2019)-Proba de avaliación	30	200	14.12.2023 17.30
AF23016	Aproximación á violencia de xénero-Proba de avaliación	30	200	20.11.2023 20.00
AF23017	Básico de protocolo e organización de eventos-Proba de avaliación	20	200	11.12.2023 19.30
AF23018	Básico de subvencións e normativa aplicable-Proba de avaliación	30	200	23.11.2023 18.00
AF23019	Básico en igualdade e prevención e loita contra a violencia de xénero-Proba de avaliación	20	200	20.11.2023 19.30
AF23020	Básico en prevención de riscos laborais-Proba de avaliación	50	200	17.11.2023 17.00
AF23021	Cambio e motivación nas organizacións-Proba de avaliación	15	200	19.12.2023 19.30
AF23022	Contratación estratéxica-Proba de avaliación	35	200	11.12.2023 18.30
AF23023	Correo electrónico corporativo-Proba de avaliación	12	200	13.12.2023 19.30
AF23024	Decreto lexislativo 1/1999, do 7 de outubro, polo que se aproba o texto refundido da Lei de réxime financeiro e orzamentario de Galicia-Proba de avaliación	20	200	14.11.2023 18.00
AF23025	Diagnóstico do clima organizacional. A optimización do recurso humano-Proba de avaliación	30	200	5.12.2023 18.30
AF23026	Dixitalización de documentos-Proba de avaliación	25	200	20.12.2023 19.30
AF23027	Formación básica en igualdade de xénero nas administracións públicas-Proba da avaliación	20	200	17.11.2023 19.00
AF23028	Formación básica para a sensibilización e prevención da violencia de xénero-Proba de avaliación	20	200	13.11.2023 17.00
AF23029	Incompatibilidades do persoal empregado público de Galicia-Proba de avaliación	18	200	21.12.2023 18.30
AF23030	Introdución á protección de datos persoais e garantía dos dereitos dixitais-Proba de avaliación	30	200	13.11.2023 19.00
AF23031	Introdución á Unión Europea e ao seu dereito-Proba da avaliación	24	200	13.12.2023 18.30
AF23032	Introdución ao dereito da Unión Europea para os xestores públicos-Proba de avaliación	30	200	4.12.2023 18.30
AF23033	Lei 16/2010, do 17 de decembro, de organización e funcionamento da Administración xeral e do sector público autonómico de Galicia-Proba de avaliación	20	200	20.11.2023 18.00
AF23034	Lei 39/2015, do 1 de outubro, do procedemento administrativo común das administracións públicas-Proba de avaliación	25	200	23.11.2023 17.00
AF23035	Lei 4/2019, do 17 de xullo, de administración dixital de Galicia-Proba de avaliación	25	200	19.12.2023 17.30
AF23036	Lei 40/2015, do 1 de outubro, de réxime xurídico do sector público-Proba de avaliación	25	200	20.11.2023 17.00
AF23037	Lei 5/2021, do 2 de febreiro, de impulso demográfico de Galicia-Proba de avaliación	25	200	20.12.2023 17.30
AF23038	Lei 9/2021, do 25 de febreiro, de simplificación administrativa e de apoio á reactivación económica de Galicia-Proba de avaliación	25	200	19.12.2023 18.30
AF23039	Lei de recuperación da terra agraria de Galicia-Proba de avaliación	25	200	14.12.2023 19.30
AF23040	Lei xeral de dereitos das persoas con discapacidade e da súa inclusión social-Proba de avaliación	20	200	17.11.2023 20.00
AF23041	Linguaxe administrativa non sexista e imaxe igualitaria na práctica da xestión pública-Proba de avaliación	30	200	23.11.2023 20.00
AF23042	Manual de estilo do DOG e outras publicacións institucionais-Proba de avaliación	20	200	12.12.2023 18.30
AF23043	O exercicio da competencia administrativa na Lei 40/2015, do 1 de outubro-Proba de avaliación	25	200	18.12.2023 18.30
AF23044	O persoal laboral ao servizo da Xunta de Galicia: V Convenio colectivo único de persoal laboral-Proba de avaliación	20	200	21.12.2023 17.30
AF23045	Organización e simplificación do traballo administrativo-Proba de avaliación	12	200	21.12.2023 19.30
AF23046	Os convenios de colaboración: elaboración e tramitación-Proba de avaliación	20	200	5.12.2023 17.30
AF23047	Prestacións da seguridade social e cotizacións-Proba de avaliación	30	200	18.12.2023 17.30
AF23048	Prevención de riscos laborais en oficinas e despachos-Proba de avaliación	15	200	15.12.2023 19.30
AF23049	Prevención de riscos psicosociais: o estrés laboral-Proba de avaliación	20	200	4.12.2023 17.30
AF23050	Prevención e xestión de conflitos-Proba de avaliación	25	200	17.11.2023 18.00
AF23051	Real decreto lexislativo 5/2015, do 30 de outubro, polo que se aproba o texto refundido da Lei do Estatuto básico do empregado público-Proba da avaliación	25	200	20.12.2023 18.30
AF23052	Revisión dos actos en vía administrativa-Proba de avaliación	25	200	4.12.2023 16.30
AF23053	Réxime disciplinario do empregado público de Galicia-Proba de avaliación	15	200	23.11.2023 19.00
AF23054	Sistema operativo, busca da información: internet/intranet e correo electrónico (GNU/Linux Debian 9)-Proba de avaliación	30	200	15.12.2023 17.30
AF23055	Sistema operativo, busca da información: internet/intranet e correo electrónico (Windows 10)-Proba de avaliación	30	200	15.12.2023 16.30
AF23056	Técnicas efectivas para preparar presentacións-Proba de avaliación	20	200	15.12.2023 18.30
AF23057	Técnicas elementais de arquivos-Proba de avaliación	25	200	14.12.2023 18.30
AF23058	Técnicas para unha boa redacción dos documentos administrativos-Proba de avaliación	15	200	14.11.2023 19.00
AF23059	Tramitación de expedientes de contratación na Administración autonómica-Proba de avaliación	30	200	21.12.2023 16.30
AF23060	Uso avanzado de aplicacións informáticas de follas de cálculo (LibreOffice Calc)-Proba de avaliación	50	200	18.12.2023 16.30
AF23061	Uso avanzado de aplicacións informáticas de tratamento de textos (LibreOffice Writer)-Proba de avaliación	50	200	19.12.2023 16.30
AF23062	Xestión de indemnizacións por razón de servizo na Administración autonómica-Proba de avaliación	25	200	5.12.2023 19.30

Terceira. Solicitudes de participación

1. O prazo de presentación de solicitudes de participación nas probas de avaliación será desde o día seguinte ao da publicación desta resolución no Diario Oficial de Galicia ata o 30 de xuño de 2023.

2. As solicitudes de participación nas probas de avaliación só poderán realizarse mediante o formulario de matrícula telemática dispoñible no enderezo <https://egap.xunta.gal/matricula> desde as 8.00 horas da data de inicio do prazo de presentación de solicitudes e ata as 23.55 horas da data de finalización. As solicitudes entenderanse presentadas unha vez que se complete correctamente o proceso de matriculación.

3. O número máximo de probas de avaliación das actividades do programa de autoformación que se poden solicitar durante o prazo de presentación de solicitudes limítase a cinco.

4. As persoas que oculten ou falseen datos esenciais para a selección serán automaticamente excluídas das probas de avaliación das actividades do programa de autoformación solicitadas e pasarán ao final das listaxes de todas as actividades formativas que soliciten e cuxo prazo de matrícula comece dentro do ano seguinte contado desde que se detecte o feito.

5. Serán excluídas automaticamente aquelas solicitudes que non se axusten ao formulario de solicitude ou non teñan cubertos correctamente os datos precisos para a realización do proceso de selección.

6. As persoas interesadas en recibiren mensaxes sobre o proceso de selección deberán facilitar un enderezo de correo electrónico e/ou un número de teléfono móbil.

7. As persoas que necesiten acreditar circunstancias específicas (discapacidade, ou permisos de conciliación da vida persoal, familiar e laboral) de acordo cos criterios de selección poden remitirlle á EGAP a correspondente documentación complementaria ao enderezo de correo electrónico <xestion.egap@xunta.gal>, sen prexuízo do previsto no artigo 16.4 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro). A devandita documentación debe enviarse por unha única das vías indicadas; no caso contrario só serán considerados os datos achegados por correo electrónico. A documentación debe presentarse dentro do prazo sinalado no punto 1 desta base.

8. Cando nalgunha das probas de avaliación das actividades do programa de autoformación non haxa un número suficiente de solicitantes que cumpran os requisitos, a EGAP poderá abrir un novo prazo de presentación de solicitudes na súa páxina web.

9. A EGAP adoptará as medidas necesarias para facilitar a presentación das solicitudes. As dúbidas, as dificultades técnicas e as peticións de información complementaria serán atendidas a través dos números de teléfono 981 54 62 57, 981 54 62 53 e 981 54 63 35 ou no enderezo de correo electrónico <xestion.egap@xunta.gal> en horario de atención ao público (9.00 a 14.00 h).

Cuarta. Comprobación de datos

1. Conforme o disposto no artigo 28.2 da Lei 39/2015, do 1 de outubro, do procedemento administrativo común das administracións públicas, para a tramitación do procedemento de selección consultaranse automaticamente os datos das persoas solicitantes das accións formativas necesarios para realizar o proceso de selección, salvo que a persoa interesada se opuxese a iso. Neste caso, a persoa interesada deberá indicalo incluíndo os motivos de oposición relacionados coa súa situación particular e achegar ademais unha copia dos documentos a cuxa consulta se opón a través do seguinte enderezo electrónico: xestion.egap@xunta.gal

2. No caso de que as persoas interesadas se opoñan a esta consulta deberán indicalo expresamente, incluír os motivos de oposición relacionados coa súa situación particular e achegar os documentos que indiquen a súa situación administrativa, tipo de persoal e antigüidade na Administración a través do seguinte enderezo electrónico <xestion.egap@ xunta.gal>.

3. Excepcionalmente, no caso de que algunha circunstancia imposibilite a obtención dos citados datos, poderase solicitar ás persoas interesadas a presentación dos documentos correspondentes.

4. A EGAP poderá pedir as certificacións necesarias para realizar a selección de acordo cos criterios recollidos nesta convocatoria.

Quinta. Criterios de selección

1. Con carácter xeral, a selección realizarase de acordo co previsto nos criterios de participación nas actividades de formación da EGAP.

2. Os empates desfaranse de acordo co resultado do sorteo a que se refire o artigo 9 do Regulamento de selección de persoal da Administración da Comunidade Autónoma de Galicia, aprobado polo Decreto 95/1991, do 20 de marzo (DOG núm. 58, do 25 de marzo). Para o ano 2023 segundo a Resolución da Consellería de Facenda e Administración Pública do 23 de xaneiro (DOG núm. 18, do 26 de xaneiro), comezarase pola letra V.

Sexta. Publicación da relación do persoal seleccionado

1. Para cada proba de avaliación das actividades do programa de autoformación a EGAP publicará no enderezo <https://egap.xunta.gal> unha relación das persoas admitidas e excluídas para participar na dita proba, así como un número adecuado de reservas, de acordo co disposto no artigo 45.1.b) da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro).

O prazo de presentación de alegacións será de dez días desde a súa publicación, de acordo co artigo 68.1 da Lei 39/2015, do 1 de outubro, do procedemento administrativo común das administracións públicas.

2. Logo de transcorrer o prazo de alegacións, a EGAP publicará no enderezo <https://egap.xunta.gal> a listaxe definitiva de persoas admitidas na proba. Contra esta listaxe poderase interpoñer recurso de alzada no prazo dun mes desde a dita publicación, de acordo co disposto polos artigos 112.1, 121 e 122 da Lei 39/2015, do 1 de outubro, do procedemento administrativo común das administracións públicas.

Sétima. Cambios ou substitucións na selección e renuncia

1. Os cambios ou as substitucións na selección:

En ningún caso serán admitidos cambios ou substitucións entre as persoas seleccionadas.

2. A renuncia:

a) As persoas seleccionadas só poderán renunciar á actividade formativa:

– Por causa de forza maior suficientemente acreditada.

– Por necesidades do servizo debidamente motivadas por parte dos/das responsables dos centros directivos.

– Por razóns de conciliación familiar.

– Por outras causas xustificadas documentalmente.

b) A renuncia debe ser comunicada por escrito á EGAP cunha antelación dun mes con respecto á data da proba de avaliación. Na páxina web da Escola está dispoñible un modelo de renuncia.

Para isto poderase utilizar, alén do previsto no artigo 16.4 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), o enderezo de correo electrónico <xestion.egap@xunta.gal>.

As persoas que incumpran o previsto nas letras a) e b) pasarán ao final das listaxes de espera de todas as actividades formativas que soliciten e cuxo prazo de matrícula comece dentro do ano seguinte contado a partir do día da finalización desta actividade.

Oitava. Desenvolvemento das probas de avaliación

1. Para superar as probas de avaliación, o alumnado deberá responder de forma correcta a un 60 % das preguntas do exame, que será de tipo test. As respostas incorrectas non descontarán acertos.

2. Para poder facer a proba de avaliación, cada participante debe lembrar o contrasinal que lle permite entrar na aula virtual, que coincide co que lle dá acceso á zona de matrícula.

3. Non se autoriza o uso de dispositivos electrónicos durante o desenvolvemento das probas de avaliación.

4. As persoas seleccionadas que non realicen as probas de avaliación pasarán ao final das listaxes de todas as actividades formativas que soliciten e cuxo prazo de matrícula comece dentro do ano seguinte contado a partir do día da finalización desta actividade.

Novena. O certificado de equivalencia

1. As persoas que superen a proba de avaliación obterán o correspondente certificado de equivalencia.

2. Este certificado equivale a un certificado de aproveitamento polas horas previstas na correspondente actividade do programa de autoformación. Estas actividades formativas valoraranse conforme establezan as bases dos concursos que convoque, no seu día, a Dirección Xeral da Función Pública.

Décima. As facultades da EGAP

1. Correspóndelle á EGAP dispor canto sexa necesario para o cumprimento do previsto nesta convocatoria e para a resolución das incidencias que se produzan. Tendo en conta as circunstancias relativas á organización das probas de avaliación das actividades do programa de autoformación, a EGAP pode modificar o desenvolvemento, os contidos e as datas das probas e mesmo suprimilas.

2. A EGAP pode suspender ou cancelar as probas de avaliación das actividades do programa de autoformación en que o número de admitidos sexa inferior ao 50 % das prazas convocadas. As persoas afectadas disporán de toda a información no enderezo <https://egap.xunta.gal>. A información tamén se enviará por correo electrónico e, no caso das persoas que facilitasen o correspondente número, por telefonía móbil.

3. A execución material de todo o previsto nesta resolución queda condicionada á existencia de crédito orzamentario adecuado e dispoñible e mais á correspondente autorización do gasto.

4. A EGAP garantirá na totalidade das actividades derivadas desta convocatoria a promoción da igualdade real e efectiva entre mulleres e homes, a eliminación de calquera tipo de discriminación e o fomento dos dereitos de conciliación.