O 25 de xaneiro de 2023 publicouse no Diario Oficial de Galicia número 17 a Orde do 30 de decembro de 2022 pola que se establecen as bases reguladoras para a concesión de indemnizacións polo sacrificio obrigatorio de animais en execución de programas e actuacións oficiais de vixilancia, loita, control e erradicación das súas enfermidades, e se convocan para o ano 2023 (código de procedemento MR553C).
O artigo 30.1 desta orde establece que as indemnizacións polo sacrificio obrigatorio de animais se financiarán cunha dotación orzamentaria total de seiscentos setenta e catro mil novecentos vinte e catro euros (674.924 €), nas seguintes aplicacións dos orzamentos xerais da Comunidade Autónoma de Galicia para o ano 2023:
14.04.713E.770.0 (CP 2012 00748) |
673.200 € |
14.04.713E.760.0 (CP 2012 00748) |
1.724 € |
O artigo 30.3 prevé que a Consellería do Medio Rural, excepcionalmente, terá a posibilidade de ampliar o crédito fixado na convocatoria da orde cando o aumento veña derivado dunha xeración, ampliación ou incorporación de crédito, e ao abeiro do artigo 30.2 do Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia.
Co obxecto de poder tramitar as solicitudes de indemnizacións presentadas que cumpren cos requisitos, e debido a que a dotación orzamentaria inicial resulta insuficiente, procede ampliar o crédito orzamentario inicial para levar a termo o procedemento de concesión das indemnizacións por sacrificio obrigatorio de animais, durante o ano 2023.
En virtude do exposto, de conformidade co disposto no artigo 30.1.3 do Estatuto de autonomía de Galicia, e en uso das facultades que me confiren os artigos 7 e 14 da Lei 9/2007, do 13 de xuño, de subvencións de Galicia, e a Lei 1/1983, do 22 de febreiro, de normas reguladoras da Xunta e da súa Presidencia,
ACORDO:
Artigo único. Ampliación da dotación orzamentaria
1. Amplíase a dotación orzamentaria da Orde do 30 de decembro de 2022 pola que se establecen as bases reguladoras para a concesión de indemnizacións polo sacrificio obrigatorio de animais en execución de programas e actuacións oficiais de vixilancia, loita, control e erradicación das súas enfermidades, e se convocan para o ano 2023 (código de procedemento MR553C), polo importe total dun millón douscentos corenta e tres mil setecentos sesenta e seis euros con sesenta céntimos (1.243.766,60 €), para o ano 2023.
2. O crédito orzamentario increméntase como segue:
14. 04. 713E 770. 0 (CP 2012 00748) |
1.239.979,22 € |
14. 04. 713E 760. 0 (CP 2012 00748) |
3.787,38 € |
3. O importe total nas aplicacións orzamentarias, unha vez efectuado este incremento, é o seguinte:
14.04. 713E 770. 0 (CP 2012 00748) |
1.913.179,22 € |
14. 04. 713E 760. 0 (CP 2012 00748) |
5.511,38 € |
A dotación orzamentaria total da orde queda cun importe de 1.918.690,60 euros para a anualidade 2023.
4. En todo caso, a concesión das indemnizacións reguladas na citada orde estará limitada ás dispoñibilidades orzamentarias.
5. A ampliación da dotación orzamentaria non afecta o prazo de presentación de solicitudes establecido na Orde do 30 de decembro de 2022.
Disposición derradeira única. Entrada en vigor
Esta orde entrará en vigor o día seguinte ao da súa publicación no Diario Oficial de Galicia.
Santiago de Compostela, 29 de xuño de 2023
José González Vázquez
Conselleiro do Medio Rural