Antecedentes.
No Diario Oficial de Galicia núm. 114, do 16 de xuño de 2023, publicouse a Orde do 6 de xuño de 2023 pola que se establecen as bases reguladoras para a concesión de subvencións, en réxime de concorrencia competitiva, a federacións deportivas de Galicia para o desenvolvemento do Plan Corresponsables a través da realización de actividades de animación sociodeportiva, e se procede á súa convocatoria para o ano 2023 (código de procedemento DE402B).
Unha vez pechado o prazo de presentación de solicitudes, o órgano instrutor remite á comisión encargada da súa valoración aqueles expedientes administrativos que cumpren todos os requisitos e reúnen toda a documentación necesaria. O 20 de xullo de 2023 reuniuse a Comisión de Valoración, que emite o seu informe cunha relación das solicitudes presentadas e admitidas ordenadas por orde de prelación de maior a menor puntuación en aplicación dos criterios de baremación establecidos no artigo 8 das bases reguladoras, e a proposta de concesión de conformidade co crédito asignado á convocatoria.
O 26 de xullo de 2023, ao non figuraren no procedemento outros feitos nin outras alegacións ou probas que as achegadas polos interesados, o órgano instrutor formulou proposta de resolución definitiva.
A concesión destas subvencións será atendida con cargo á aplicación orzamentaria 06.02.441A.481.0, dos orzamentos xerais da Comunidade Autónoma de Galicia para o ano 2023, ata un importe máximo de 2.773.095 €.
Consideracións legais e técnicas:
Primeira. De conformidade co artigo 6 das bases reguladoras, a Subdirección Xeral de Plans e Programas, como órgano competente para a instrución do procedemento, elevou informe técnico de valoración, conforme todo o actuado, á persoa titular da Secretaría Xeral para o Deporte. A Secretaría Xeral para o Deporte elevou a proposta de resolución á Vicepresidencia Primeira e Consellería de Presidencia, Xustiza e Deportes, que é o órgano competente para a resolución do procedemento.
Segunda. Por tratarse dun procedemento de concorrencia competitiva, e de conformidade co establecido no artigo 45.1.b) da Lei 39/2015, do 1 de outubro, do procedemento administrativo común das administracións públicas, a publicación no Diario Oficial de Galicia (DOG) producirá os mesmos efectos que a notificación individualizada, sen prexuízo desta. Esta publicación tamén se realizará na páxina web da Secretaría Xeral para o Deporte https://deporte.xunta.gal
Terceiro. Acreditadas as actuacións levadas a cabo pola Comisión de Valoración a que se refiren os artigos 7 e 8 da Orde do 6 de xuño de 2023, e con base na proposta formulada pola Secretaría Xeral para o Deporte, do 26 de xullo de 2023, de acordo co establecido na Lei 9/2007, do 13 de xuño, de subvencións de Galicia, no Decreto 11/2009, do 8 de xaneiro, polo que se aproba o seu regulamento, e en virtude das atribucións que me foron conferidas,
RESOLVO:
Primeiro. Conceder as subvencións ás federacións deportivas de Galicia para o desenvolvemento do Plan Corresponsables a través da realización de actividades de animación sociodeportiva que se recollen no anexo I desta resolución, ordenadas por orde decrecente dos puntos acadados. No anexo determínanse a entidade beneficiaria, a actuación que se desenvolverá, o investimento subvencionable, a contía da axuda e a puntuación outorgada.
De conformidade co artigo 9 das bases reguladoras da convocatoria, o importe das subvencións será o resultado de asignar un importe de 1.660 €/mes por grupo de actividade, ata o máximo do importe subvencionable por entidade que, de conformidade co artigo 1.3 da convocatoria, é de 300.000 €.
Segundo. Desestimar as solicitudes de subvención por esgotamento do crédito ás entidades que se recollen no anexo II desta resolución, ordenadas pola puntuación acadada.
Terceiro. Non admitir as solicitudes de subvención que se recollen no anexo III polo motivo que alí se indica.
Cuarto. Poderase realizar o pagamento do 80 % da contía da subvención concedida, en concepto de pagamento anticipado, que se fará efectivo, por solicitude da entidade beneficiaria, segundo o anexo III da Orde do 6 de xuño de 2023, unha vez realizada a notificación da subvención e logo da aceptación expresa desta. A solicitude de pagamento anticipado poderá remitirse ata o 31 de outubro de 2023.
Quinto. De acordo co artigo 45 do Decreto 11/2009, do 8 de xaneiro, a entidade beneficiaria deberá presentar ante a Secretaría Xeral para o Deporte a documentación xustificativa da subvención, prevista no artigo 6.2 da convocatoria, ata o 30 de novembro de 2023.
Sexto. As entidades beneficiarias deberán desenvolver o Plan Corresponsables para a habilitación de servizos de coidado profesional de nenas, nenos e mozas e mozos de ata 16 anos, desenvolvendo actividades de animación sociodeportiva, de acordo coas condicións de execución establecidas no artigo 10 das bases reguladoras (anexo I da Orde do 6 de xuño de 2023).
Sétimo. De conformidade co artigo 16 das bases reguladoras, as entidades que resulten beneficiarias das subvencións concedidas ao abeiro desta orde estarán obrigadas a cumprir o establecido no artigo 11 da Lei 9/2007, de subvencións de Galicia, e no artigo 4 da Lei 1/2016, do 18 de xaneiro, de transparencia e bo goberno, e especificamente:
a) Á aplicación pública da imaxe corporativa da Consellería de Promoción do Emprego e Igualdade, da Vicepresidencia Primeira e Consellería de Presidencia, Xustiza e Deportes, da Secretaría Xeral para o Deporte, do Plan Corresponsables, do Ministerio de Igualdade e da Secretaría de Estado de Igualdade e contra a Violencia de Xénero.
b) A conservar, nos seguintes catro anos, os documentos xustificativos da aplicación dos fondos recibidos, incluídos os documentos electrónicos, en canto poidan ser obxecto das actuacións de comprobación e control.
c) A estar ao día no cumprimento das súas obrigas tributarias e fronte á Seguridade Social e non ter pendente de pagamento ningunha outra débeda coa Administración pública da Comunidade Autónoma.
d) A someterse ás actuacións de comprobación e control financeiro das actividades subvencionadas por parte da Vicepresidencia Primeira e Consellería de Presidencia, Xustiza e Deportes, a través da Secretaría Xeral para o Deporte, da Intervención Xeral da Comunidade Autónoma, do Consello de Contas e do Tribunal de Contas.
e) A reintegrar os fondos percibidos nos supostos establecidos no artigo 16 das presentes bases.
f) Á adhesión ao manifesto pola igualdade no deporte.
g) A garantir os dereitos lingüísticos de todas as persoas, empregando o galego e o castelán nas súas comunicacións.
Esta resolución esgota a vía administrativa e contra ela pode interpoñerse recurso potestativo de reposición ante a Vicepresidencia Primeira e Consellería de Presidencia, Xustiza e Deportes, no prazo dun mes contado a partir do día seguinte ao da súa publicación no Diario Oficial de Galicia, ou ben recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados a partir do día seguinte ao da súa publicación.
Santiago de Compostela, 2 de agosto de 2023
Diego Calvo Pouso
Vicepresidente primeiro e conselleiro de Presidencia, Xustiza e Deportes
ANEXO I
Subvencións concedidas
Número de expediente |
Entidade solicitante |
NIF |
Nº grupos actividade x nº meses |
Orzamento subvencionable (1660€/grupo, max 300.000 €) |
Subvención proposta |
Puntuación |
DE402B-2023-00000015-00 |
Federación Galega de Balonmán |
G36690832 |
1.132 |
300.000,00 € |
300.000,00 € |
82,5 |
DE402B-2023-00000002-00 |
Federación Galega de Tenis |
G15102767 |
1.592 |
300.000,00 € |
300.000,00 € |
82,5 |
DE402B-2023-00000001-00 |
Federación Galega de Boxeo |
G15108996 |
152 |
252.320,00 € |
252.320,00 € |
65 |
DE402B-2023-00000006-00 |
Federación Galega de Piragüismo |
G36040764 |
172 |
285.520,00 € |
285.520,00 € |
65 |
DE402B-2023-00000007-00 |
Federación Galega de Salvamento e Socorrismo |
G27033737 |
696 |
300.000,00 € |
300.000,00 € |
65 |
DE402B-2023-00000017-00 |
Real Federación Galega de Fútbol |
G15055890 |
69 |
114.540,00 € |
114.540,00 € |
60 |
DE402B-2023-00000016-00 |
Federación Galega de Taekwondo |
G15237233 |
246 |
300.000,00 € |
300.000,00 € |
60 |
DE402B-2023-00000021-00 |
Federación Galega de Montañismo |
G36630259 |
131 |
217.460,00 € |
217.460,00 € |
57,5 |
DE402B-2023-00000013-00 |
Federación Galega de Surf |
G15565484 |
24 |
39.840,00 € |
39.840,00 € |
55 |
DE402B-2023-00000014-00 |
Federación Galega de Loita |
G36651081 |
114 |
189.240,00 € |
189.240,00 € |
55 |
DE402B-2023-00000023-00 |
Federación Galega de Hóckey |
G32172058 |
18 |
29.880,00 € |
29.880,00 € |
45 |
DE402B-2023-00000011-00 |
Federación Galega de Péntatlon Moderno Tríatlon |
V36703932 |
45 |
74.700,00 € |
74.700,00 € |
45 |
DE402B-2023-00000012-00 |
Federación Galega de Vela |
G36644862 |
125 |
207.500,00 € |
207.500,00 € |
45 |
DE402B-2023-00000010-00 |
Federación Galega de Esgrima |
G15109077 |
199 |
300.000,00 € |
162.095,00 € |
45 |
Total |
2.773.095,00 |
ANEXO II
Solicitudes desestimadas por esgotamento do crédito asignado á convocatoria.
Número de expediente |
Entidade solicitante |
NIF |
Puntuación |
DE402B-2023-00000008-00 |
Federación Galega de Squash |
G36644680 |
40 |
DE402B-2023-00000009-00 |
Federación Galega de Bolos |
V36650133 |
37,5 |
DE402B-2023-00000020-00 |
Federación Galega de Atletismo |
G15103500 |
37,5 |
DE402B-2023-00000004-00 |
Federación Galega de Kickboxing |
G27464221 |
32,5 |
DE402B-2023-00000024-00 |
Federación Galega de Bádminton |
G36645133 |
32,5 |
DE402B-2023-00000019-00 |
Federación Galega de Baile Deportivo |
G10883999 |
25 |
DE402B-2023-00000022-00 |
Federación Galega de Ciclismo |
G36644870 |
22,5 |
DE402B-2023-00000018-00 |
Federación Galega de Tenis de Mesa |
V15149453 |
22,5 |
DE402B-2023-00000005-00 |
Federación Galega de Espeleoloxía |
G15062193 |
7,5 |
ANEXO III
Solicitudes non admitidas
Número de expediente |
Entidade solicitante |
NIF |
Puntuación |
DE402B-2023-00000003-00 |
Federación Galega de Orientación |
G70381603 |
A actividade proposta non cumpre os requisitos de idade dos participantes previstos no artigo 3.1 (ata os 16 anos) das bases reguladoras |