O 17 de xaneiro de 2023 publicouse no Diario Oficial de Galicia a Orde do 27 de decembro de 2022 pola que se establecen as bases reguladoras para a concesión, en réxime de concorrencia competitiva, de subvencións para investimentos produtivos, incremento da eficiencia enerxética e fomento da reconversión das empresas acuícolas a fontes de enerxía renovables, e para a obtención de servizos de asesoramento de carácter técnico, científico, xurídico, ambiental ou económico no ámbito da acuicultura, cofinanciadas co Fondo Europeo Marítimo e de Pesca (FEMP), e se procede á súa convocatoria para o ano 2023, tramitado como expediente anticipado de gasto (código de procedemento PE205F).
A dita orde ten por obxecto establecer as bases reguladoras para a concesión, en réxime de concorrencia competitiva, das axudas destinadas ás seguintes accións:
1. Modalidade A: axudas destinadas a realizar actuacións que teñen por obxecto o fomento dunha acuicultura sostible desde unha perspectiva ambiental, socialmente responsable, baseada no coñecemento e competitiva (artigo 48 (letras: a, b, c, d, f, h) do Regulamento UE 508/2014).
2. Modalidade B: axudas destinadas a investimentos que aumenten a eficiencia enerxética e fomenten a reconversión das empresas acuícolas a fontes de enerxía renovables (artigo 48, letra k), do Regulamento UE 508/2014).
3. Modalidade C: axudas destinadas a obter servizos de asesoramento de carácter técnico, científico, xurídico, ambiental ou económico, co fin de mellorar o rendemento global e a competitividade das explotacións acuícolas e reducir o impacto ambiental negativo do seu funcionamento (artigo 49, letra b) do Regulamento UE 508/2014).
Así mesmo, a Orde do 27 de decembro de 2022 establece no seu artigo 3.2 que se poderá ampliar o importe fixado na convocatoria no caso de que exista crédito dispoñible derivado dunha xeración, ampliación ou incorporación de crédito, de remanentes doutras convocatorias ou en calquera dos casos e coas condicións establecidas no número 2 do artigo 30 do Regulamento da Lei de subvencións de Galicia (Decreto 11/2009, do 8 de xaneiro), sen que iso dea lugar á apertura dun novo prazo de presentación de solicitudes, salvo indicación expresa en contrario na orde que se publique para o efecto, respectando o disposto nos artigos 31 da Lei 9/2007, do 13 de xuño, de subvencións de Galicia, e 30 do Decreto 11/2009, do 8 de xaneiro, polo que se aproba o Regulamento da Lei de subvencións de Galicia.
Tendo en conta que este ano, polo número e contía das axudas correspondentes á modalidade A, o crédito orzamentario non é suficiente para atender as solicitudes que cumpren cos requisitos, é polo que procede redistribuír e ampliar o crédito orzamentario para a concesión de axudas destinadas a realizar actuacións que teñen por obxecto o fomento dunha acuicultura sostible desde unha perspectiva ambiental, socialmente responsable, baseada no coñecemento e competitiva (artigo 48 letras: a, b, c, d, f, h, do Regulamento UE 508/2014).
Por todo o anterior, e en uso das facultades que me foron conferidas,
DISPOÑO:
Artigo único
Primeiro. Modifícase o crédito destinado ás axudas convocadas na Orde do 27 de decembro de 2022, redistribuíndo o crédito previsto na dita orde para a anualidade 2023 entre as diferentes modalidades de axuda:
|
Aplicación de orixe |
Proxecto de orixe |
Aplicación de destino |
Proxecto de destino |
Importe |
|
15.02.723A.772.5 |
2016 269 |
15.02.723A.772.2 |
2016 271 |
92.656,90 € |
|
15.02.723A.772.6 |
2016 272 |
15.02.723A.772.2 |
2016 271 |
90.000,00 € |
|
Total |
182.656,90 € |
|||
Segundo. Amplíase o importe da contía máxima das axudas, correspondentes á modalidade A, que se van conceder ao abeiro da Orde do 27 de decembro de 2022, na seguintes contías e aplicacións orzamentarias dos orzamentos xerais da Comunidade Autónoma de Galicia para o ano 2023:
|
Aplicación de orixe |
Proxecto de orixe |
Aplicación de destino |
Proxecto de destino |
Importe |
|
15.02.723A.770.0 |
2016 273 |
15.02.723A.772.2 |
2016 271 |
49.504,50 € |
|
15.02.723A.770.0 |
2016 260 |
15.02.723A.772.2 |
2016 271 |
70.000,00 € |
|
Total |
119.504,50 € |
|||
Terceiro. As axudas correspondentes á Orde do 27 de decembro de 2022 pola que se establecen as bases reguladoras para a concesión, en réxime de concorrencia competitiva, de subvencións para investimentos produtivos, incremento da eficiencia enerxética e fomento da reconversión das empresas acuícolas a fontes de enerxía renovables, e para a obtención de servizos de asesoramento de carácter técnico, científico, xurídico, ambiental ou económico no ámbito da acuicultura, cofinanciadas co Fondo Europeo Marítimo e de Pesca (FEMP), e se procede á súa convocatoria para o ano 2023, tramitado como expediente anticipado de gasto (código de procedemento PE205F), concederanse con cargo ás aplicacións orzamentarias que figuran no cadro que se insire dotadas na Lei 6/2022, do 27 de decembro, de orzamentos xerais da Comunidade Autónoma de Galicia para o ano 2023. Os importes máximos que se concedan no dito exercicio orzamentario ascenderán ás seguintes contías:
|
Crédito |
Modalidade de axuda |
Aplicación orzamentaria |
Proxecto |
Total |
|
Inicial |
Modalidade A |
15.02.723A.772.2 |
2016 271 |
2.500.000,00 € |
|
Ampliado |
Modalidade A |
15.02.723A.772.2 |
2016 271 |
2.802.161,40 € |
|
Inicial |
Modalidade B |
15.02.723A.772.5 |
2016 269 |
150.000,00 € |
|
Modificado |
Modalidade B |
15.02.723A.772.5 |
2016 269 |
57.343,10 € |
|
Inicial |
Modalidade C |
15.02.723A.772.6 |
2016 272 |
90.000,00 € |
|
Modificado |
Modalidade C |
15.02.723A.772.6 |
2016 272 |
0,00 € |
Cuarto. A publicación desta orde non supón a apertura dun novo prazo de presentación de solicitudes.
Disposición derradeira única
Esta orde producirá efectos a partir do día seguinte ao da súa publicación no Diario Oficial de Galicia.
Santiago de Compostela, 21 de agosto de 2023
Alfonso Villares Bermúdez
Conselleiro do Mar