No taboleiro de anuncios e na sede electrónica do Concello de Ourense están expostas as bases da convocatoria para a cobertura do posto de director/a xeral de Innovación, Tecnoloxía e Intelixencia Artificial, de provisión polo sistema de libre designación.
Así mesmo, procedeuse á súa publicación no Boletín Oficial da provincia de Ourense, número 185, do 12 de agosto de 2023.
O prazo de presentación de instancias será, de conformidade coa base terceira, de quince (15) días hábiles contados a partir do día seguinte ao da publicación da convocatoria no Boletín Oficial del Estado.
Os sucesivos anuncios referentes a esta convocatoria, cando proceda de conformidade coas bases, faranse públicos no taboleiro de anuncios e na sede electrónica do Concello de Ourense.
Ourense, 14 de agosto de 2023
Gonzalo Pérez Jácome
Alcalde