Consonte o establecido no artigo 15 da Lei 1/2016, do 18 de xaneiro, de transparencia e bo goberno (Diario Oficial de Galicia núm. 30, do 15 de febreiro) procédese a publicar no Diario Oficial de Galicia unha relación dos convenios de colaboración subscritos no cuadrimestre anterior.
En consecuencia, e para dar cumprimento a este mandato,
DISPOÑO:
Artigo único. Darlle publicidade aos convenios subscritos pola Consellería de Infraestruturas e Mobilidade no segundo cuadrimestre do ano 2023, que se incorporan como anexo a esta resolución.
Santiago de Compostela, 19 de setembro de 2023
Mª Pilar Arias Graña
Secretaria xeral técnica da Consellería de Infraestruturas e Mobilidade
ANEXO
Convenios de colaboración subscritos pola Consellería de Infraestruturas
e Mobilidade no segundo cuadrimestre de 2023
|
Descrición |
Data de sinatura |
Importe |
|
Convenio de colaboración entre a Xunta de Galicia e os concellos da Coruña e Arteixo para a coordinación dos servizos de transporte público con orixe ou destino no núcleo de Meicende |
7.5.2023 |
0 € |
|
Prórroga do convenio de colaboración entre a Xunta de Galicia e os concellos de Arteixo, Culleredo e A Coruña, para a coordinación dos servizos de transporte público das súas respectivas competencias con orixe ou destino nas urbanizacións da Zapateira |
7.5.2023 |
0 € |
|
Acordo de colaboración entre a Consellería de Infraestruturas e Mobilidade e a Axencia para a Modernización Tecnolóxica de Galicia para o financiamento e sustentabilidade do desenvolvemento de novas funcionalidades, soporte e mantemento do sistema de axuda a explotación da mobilidade de Galicia (Saegal) |
22.5.2023 |
239.890 € |
|
Convenio entre a Consellería de Infraestruturas e Mobilidade e a asociación Clúster da Fundación Loxística de Galicia para o impulso do corredor Atlántico Noroeste e colaboración na posta en marcha da estratexia loxística de Galicia |
12.6.2023 |
140.000 € |